ຍານຫຸ່ນຍົນສຳຫຼວດ Perseverance ຂອງອົງການບໍລິຫານການບິນ ແລະ ອາວະກາດແຫ່ງຊາດ ຫຼື NASA ລົງຈອດເທິງພື້ນຜິວດາວອັງຄານຢ່າງປອດໄພ ຫຼັງເດີນທາງກວ່າ 470 ລ້ານກິໂລແມັດ ລວມລຍະເວລາກວ່າ 6 ເດືອນ ພ້ອມສົ່ງພາບຖ່າຍເທິງດາວອັງຄານຊຸດທຳອິດກັບມາທີ່ໂລກ.

ສຳລັບພາລະກິດຂອງຍານຫຸ່ນຍົນ Perseverance ຄືການຄົ້ນຫາສັນຍານຂອງສິ່ງທີ່ມີຊີວິດບູຮານໂດຍການບັນທຶກສຽງເທິງນັ້ນເປັນຄັ້ງທຳອິດຂອງມະນຸດອີກດ້ວຍ.

ຈຸດທີ່ຍານລົງຈອດນັ້ນເປັນປ່ອງເລິກໃກ້ເສັ້ນສູນສູດຂອງດາວເຄາະທີ່ຮຽກຊື່ວ່າ Jezero ເຊິ່ງຄາດວ່າເປັນອ່າງທະເລສາບບູຮານເມື່ອ 3.9 ພັນລ້ານປີກ່ອນ ໂດຍະມີການຄົ້ນຫາໄມໂຄຣຟອສຊິລເທິງຫີນ ແລະ ດິນຂອງດາວອັງຄານ ເຊິ່ງຍານຫຸ່ນຍົນໂຣເວີ Perseverance ຈະໃຊ້ເວລາ 2 ປີ ໃນການຂຸດເຂາະ ຈາກນັ້ນຈະນຳຕົວຢ່າງເດີນທາງກັບມາສູ່ໂລກພາຍໃນຕົ້ນທົດສະວັດ 2030.

ຮຽບຮຽງຂ່າວ: ພຸດສະດີ