ເມື່ອວັນທີ 8 ກຸມພາ 2020 ມຽນມາປະກາດໃຊ້ໄອຍະເສິກໃນຫຼາຍເມືອງໃຫຍ່ ໂດຍການປະກາດໄອຍະການເສິກມີຂຶ້ນຫຼັງຈາກມີການປະທ້ວງໃຫຍ່ຕໍ່ເນື່ອງເປັນເວລາ 3 ວັນ ໂດຍປະຊາຊົນເຂົາຮ່ວມການຊຸມນຸມປະທ້ວງເກີນ 5 ຄົນ ແລະ ໃຊ້ມາດຕະການເຄີຟິວຫ້າມອອກນອກເຮືອນໃນເວລາ 20:00-4:00 ໂມງ ຕາມເວລາທ້ອງຖິ່ນ.

ທັງນີ້, ພົນເອກ ມິນ ອ່ອງ ຫຼ່າຍ ຜູ້ນຳລັດຖະປະຫານຂອງມຽນມາ ອອກຖະແຫຼງການຕໍ່ປະຊາຊົນໃນໂທລະພາບເປັນຄັ້ງທຳອິດຫຼັງຈາກການຍຶດອຳນາດ ໂດຍມີການເວົ້າເຖິງການທຸຈະລິດເລືອກຕັ້ງ ຄະນະກຳມະການການເລືອກຕັ້ງບໍ່ໄດ້ກວດສອບລາຍຊື່ຜູ້ມີສິດລົງຄະແນນສຽງເລືອກຕັ້ງ, ການສັກຢາປ້ອງ ກັນພະຍາດໃຫ້ປະຊາຊົນ ການຟື້ນຟູທຸລະກິດ ແລະ ເຊື້ອເຊີນນັກລົງທືນຕ່າງປະເທດເຂົ້າມາລົງທືນໃນປະເທດມຽນມາ.

ພ້ອມທັງໃຫ້ຄຳໝັ້ນສັນຍາວ່າຈະເປີດສະຖານທີ່ທາງສາສະໜາ, ໂຮງຮຽນ ແລະ ການເລືອກຕັ້ງໃໝ່ ພ້ອມສົ່ງຕໍ່ອຳນາດໃຫ້ພັກທີ່ຊະນະການເລືອກຕັ້ງ ແລະ ເນັ້ນໜັກວ່າມັນຈະນຳເອົາປະຊາທິປະໄຕທີ່ແທ້ຈິງກັບຄືນສູ່ມຽນມາ ແລະ ຮຽກຮ້ອງໃຫ້ປະຊາຊົນຢ່າປະຕິບັດຕາມຄວາມຮູ້ສຶກຂອງຕົນເອງ ແຕ່ອີງໃສ່ຂໍ້ເທັດຈິງເປັນຫຼັກ.

ຮຽບຮຽງຂ່າວ: ພຸດສະດີ