ສຳນັກຂ່າວຊິນຫົວ ລາຍງານເມື່ອວັນທີ 1 ກຸມພາ 2021 ທີ່ຜ່ານມາ ເມື່ອບໍ່ດົນມານີ້, ກົມຕຳຫຼວດໃນເມືອງຈຽງຊູ ປັກກິ່ງ ແລະ ຊານຕົງ ດຳເນີນການຈັບກຸມຕົວຜູ້ຕ້ອງສົງໃສ 80 ຄົນ ທີ່ມີຄວາມກ່ຽວຂ້ອງກັບການຜະລິດວັກຊີນໂຄວິດ-19 ປອມ ພ້ອມຢຶດຂອງກາງເປັນວັກຊີນປອມຫຼາຍກວ່າ 300 ໂດສ.
ຕຳຫຼວດພົບວ່ານັບຕັ້ງແຕ່ເດືອນກັນຍາ 2020 ກຸ່ມຄົນທີ່ກ່ຽວຂ້ອງໄດ້ທຳເງິນຈາກການຂາຍວັກຊີນປອມຢ່າງມະຫາສານ ດ້ວຍການຕື່ມນໍ້າເກືອເຈົ້າໄປໃນຫົວສີດໃນຂະບວນການຜະລິດວັກຊີນປອມ ແລະ ຂາຍມັນໃນລາຄາແພງ.
ປະຕິບັດການກວດລ້າງຂະບວນການຜະລິດວັກຊີນໂຄວິດ-19 ປອມເປັນຄວາມພະຍາຍາມຂອງກະຊວງຄວາມໝັ້ນຄົງສາທາລະນະທີ່ກ່ອນໜ້ານີ້ໄດ້ປະກາດວ່າ ຈະກວດລ້າງພວກທີ່ມັກສວາຍໂອກາດຫາກຳໄລມະຫາສານໃນຍາມທີ່ປະເທດຕ້ອງການວັກຊີນທີ່ສຸດ.
ຮຽບຮຽງຂ່າວ: ພຸດສະດີ