ສຳນັກຂ່າວຕ່າງປະເທດ ລາຍງານວ່າ ‘WHO’ ເຕືອນ! ໂຄວິດ-19 ອາດສືບຕໍ່ການລະບາດເຖິງທົ່ວໂລກຈະໄດ້ຮັບການສັກວັກຊີນປ້ອງກັນແລ້ວກໍ່ຕາມ ເຊື່ອວ່າໃນອານາຄົດອັນໃກ້ວັກຊີນຍັງບໍ່ທັນມີພຽງພໍທີ່ຈະຢຸດການລະບາດໄດ້.
ທ່ານ ດຣ ໄມ ໄຣອັນ, ຜູ້ອຳນວຍການໂຄງການສຸກເສີນຂອງອົງການອະນາໄມໂລກ (WHO) ເຕືອນວ່າ ມີຄວາມສ່ຽງທີ່ໂຄວິດ-19 ຈະຍັງສືບຕໍ່ແຜ່ລະບາດຕໍ່ໄປເຖິງແມ່ນວ່າຈະມີການສັກຊີນປ້ອງກັນໂຄວິດ-19 ຄັ້ງໃໝ່ໃນອານາຄົດກໍ່ຕາມ ເພາະສະນັ້ນ, ພວກເຮົາຕ້ອງສືບຕໍ່ດຳລົງຊີວິດກັບການລະບາດນີ້ຕໍ່ໄປ.
ນອກຈາກນີ້, ທ່ານ ດຣ ໄຣອັນ ຍັງກ່າວຕື່ມອີກວ່າ ບັນດາປະເທດຕ່າງໆ ບໍ່ຄວນຄາດຫວັງວ່າຈະກຳຈັດໂຄວິດ-19 ໄດ້ໃນປີ 2021 ພ້ອມເຕືອນວ່າ ຈົນຮອອດປັດຈຸບັນນີ້, ມະນຸດເຄີຍກຳຈັດໄດ້ພຽງໂຣກດຽວໃນປະຫວັດສາດຄື: ໂຣກຝີດາດ ເຮັດໃຫ້ເຮົາພະຍາຍາມໄປໃຫ້ເຖິງຈຸດທີ່ສາມາດຄວບຄຸມໄວຣັດໄດ້.
ຮຽບຮຽງຂ່າວ: ພຸດສະດີ