spot_img
Homeຂ່າວພາຍ​ໃນຍີ່ປຸ່ນພົບຜູ້ຕິດເຊື້ອໂຄວິດ-19 ສາຍພັນດຽວກັບທີ່ມີການລະບາດໃນອັງກິດ 3 ຄົນ

ຍີ່ປຸ່ນພົບຜູ້ຕິດເຊື້ອໂຄວິດ-19 ສາຍພັນດຽວກັບທີ່ມີການລະບາດໃນອັງກິດ 3 ຄົນ

Published on

ປະເທດຍີ່ປຸ່ນພົບຜູ້ຕິດເຊື້ອໂຄວິດ-19 ສາຍພັນເປັນຊະນິດດຽວກັບທີພົບໃນອັງກິດອີກ 3 ຄົນ ແຕ່ທັງໝົດແມ່ນບໍ່ມີປະຫວັດເດີນທາງໄປປະເທດອັງກິດ ເຮັດໃຫ້ເຈົ້າໜ້າທີ່ສາທາລະນະສຸກຍີ່ປຸ່ນເລັ່ງຄົ້ນຫາຕົ້ນຕໍ.

ສຳນັກຂ່າວ CNA ລາຍງານວ່າ ກະຊວງສາທາລະນະສຸກຂອງຍີ່ປຸ່ນເປີດເຜີຍໃນວັນທີ 18 ມັງກອນ 2021ວ່າ ພົບຜູ້ຕິດເຊື້ອໂຄວິດ-19 ສາຍພັນດຽວກັບທີ່ພົບຄັ້ງທຳອິດໃນອັງກິດ ຈຳນວນ 3 ຄົນ ແຕ່ຈາກການກວດສອບພົບວ່າ ທັງ 3 ຄົນ ບໍ່ມີປະຫວັດເດີນທາງໄປອັງກິດເລີຍ.

ກະຊວງສາທາລະນະສຸກລະບຸວ່າ ຜູ້ຕິດເຊື້ອທັງ 3 ຄົນ ມີອາຍຸລະຫວ່າງ 20-60ປີ ອາໃສໃນແຂວງຊິຊຸໂອກະ ເຊິ່ງຫ່າງຈາກນະຄອນຫຼວງກຽວໂຕປະມານ 200 ແມັດ ໂດຍຄົນທຳອິດເລີ່ມສະແດງອາການປ່ວຍໃນໄລຍະຕົ້ນເດືອນມັງກອນ ແລະ ຕອນນີ້ເຈົ້າໜ້າທີ່ກຳລັງກວດສອບວ່າ ພວກເຂົາຕິດເຊື້ອໄດ້ແນວໃດ ພ້ອມກ່າວຢໍ້າວ່າ ຕອນນີ້ຍັງບໍ່ມີຫຼັກຖານວ່າເກີດການແຜ່ກະຈາຍຂອງໄວຣັສສາຍພັນໃໝ່ອັງກິດນີ້ໃນແຂວງຊິຊູໂອກະ.

ມາຮອດປັຈຸບັນ, ຍີ່ປຸ່ນໄດ້ມີຜູ້ຕິເຊື້ອໄວຣັສໂຄວິດ-19 ກາຍພັນທີ່ພົບຄັ້ງທຳອິດໃນອັງກິດ, ແອຟຣິກາ ແລະ ບຣາຊິນ ແລ້ວທັງໝົດ 45 ຄົນ ໂດຍລັດຖະບານຍີ່ປຸ່ນໄດ້ຂະຫຍາຍການປະກາດພາວະສຸກເສີນໃຫ້ຄວບຄຸມທົ່ວໂຕກຽວ ກັບອີກ 7 ແຂວງເມື່ອຕົ້ນເດືອນທີ່ຜ່ານມາ ເພື່ອຄວບຄຸມການລະບາດທີ່ມີແນວໂນ້ມເພີ່ມສູງຂຶ້ນ ແລະ ປັດຈຸບັນ ຍີ່ປຸ່ນ ມີຍອດສະສົມຂອງຜູ້ຕິດເຊື້ອທັງໝົດຫຼາຍກວ່າ 355,000 ຄົນ, ເສຍຊີວິດ 4,500ຄົນ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...