Homeຂ່າວພາຍ​ໃນເຈົ້າໜ້າທີ່ເມືອງຕົ້ນເຜິ້ງຢຶດຢາບ້າ 5 ລ້ານເມັດ-ຢາໄອຊ໌ 400 ກິໂລກຣັມ

ເຈົ້າໜ້າທີ່ເມືອງຕົ້ນເຜິ້ງຢຶດຢາບ້າ 5 ລ້ານເມັດ-ຢາໄອຊ໌ 400 ກິໂລກຣັມ

Published on

ເຈົ້າໜ້າທີ່ຕຳຫຼວດເມືອງຕົ້ນເຜິ້ງ ແຂວງບໍ່ແກ້ວ ໄດ້ຮັບແຈ້ງຈາກພົນລະເມືອງດີວ່າຈະມີການຂົນສົ່ງຢາເສບຕິດຈາກເມືອງຕົ້ນເຜິ້ງໄປທີ່ເມືອງຫ້ວຍຊາຍ ຈຶ່ງໄດ້ປະສານງານກັບຕຳຫຼວດເມືອງຫ້ວຍຊາຍລົງພື້ນທີ່ກວດສອບເມື່ອຕອນແລງວັນທີ 15 ມັງກອນ ທີ່ຜ່ານມາ ພົບລົດຜູ້ຕ້ອງສົງໃສ 3 ຄັນ ກຳລັງແລ່ນຢູ່ເສັ້ນທາງລະຫວ່າງບ້ານໃຫຍ່ຕົ້ນເຜິ້ງໄປທີ່ບ້ານສີເມືອງງາມ ຈຶ່ງເຂົ້າສະກັດກັ້ນຈັບກຸມຕົວຜູ້ຕ້ອງຫາ 4 ຄົນ ເປັນຄົນເຜົ່າມົ້ງ ແຂວງບໍ່ແກ້ວ.

ຕຳຫຼວດພົບຂອງກາງເປັນຢາບ້ານ 2,737 ມັດ ຈຳນວນລວມ  5,474,000 ເມັດ, ລົດໃຫຍ່ 2 ຄັນ ສ່ວນອີກຄັນຫຼົບໜີໄປໄດ້ ນອກຈາກນັ້ນຍັງພົບອາວຸດປືນຍາວ 9 ມມ, ລູກປືນ 15 ລູກ, ໂທລະສັບມືຖື 8 ໜ່ວຍ, ສາຍຄໍຄຳ ແລະ ເງິນສົດ ຈຳນວນໜຶ່ງ. ເຈົ້າໜ້າທີ່ໄດ້ກັກຕົວຜູ້ຖືກກ່າວຫາເພື່ອສືບສວນແລະ ຂະຫຍາຍຜົນຕໍ່ໄປ.

ກ່ອນນັ້ນ, ພຽງແຕ່ 1 ມື້ (14 ມັງກອນ) ຢູ່ໃນເສັ້ນທາງດຽວກັນ ເຈົ້າໜ້າທີ່ຕຳຫຼວດເມືອງຕົ້ນເຜິ້ງກັບກຸ່ມຕຳຫຼວດສີບຸນເຮືອງ ໄດ້ສະກັດຈັບຜູ້ຕ້ອງຫາຊາຍ ອາຍຸ 39 ປີ ເປັນຊາວບ້ານນໍ້າສະໝອກ ເມືອງຫ້ວຍຊາຍ ແຂວງບໍ່ກ້ວ ພ້ອມລົດກະບະໂຕໂຢຕ້າ ວີໂກ້ ສີປອນທອງ ປ້າຍທະບຽນບໍ່ແກ້ວ ພາຍໃນພົບຢາໄອຊ໌ 400 ຫໍ່, ນໍ້າໜັກລວມ 400 ກິໂລກຣັມ ພ້ອມໂທລະສັບມືຖື 2 ໜ່ວຍ, ສາຍຄໍຄຳ 1 ເສັ້ນ.

ການຈັບກຸມຢາເສບຕິດລາຍໃຫຍ່ 2 ກຸ່ມ ເກີດຂຶ້ນລະຫວ່າງທີ່ຄະນະສະເພາະກິດໂຄວິດ-19 ແຂວງບໍ່ແກ້ວມີຄຳສັ່ງປິດເມືອງຕົ້ນເຜິ້ງ ແລະ ເຂດເສດຖະກິດຕິດໂຄວິດ-19 ໂດຍໃນຄຳສັ່ງໃຫ້ປິດເມືອງຕົ້ນເຜິ້ງ ແລະ ເຂດເສດຖະກິດພິເສດຫ້າມເຂົ້າ-ອອກລະຫວ່າງ ວັນທີ 12-25 ມັງກອນ 2021 ເພື່ອປ້ອງກັນການລະບາດຂອງໂຄວິດ-19.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...