spot_img
Homeຂ່າວຕ່າງປະເທດ"ທັກສິນ" ຖືກຕັດສິນຈຳຄຸກ 5 ປີ ໃນຄະດີຮຸ້ນຊິນຄອບເປີເຣຊັນ

“ທັກສິນ” ຖືກຕັດສິນຈຳຄຸກ 5 ປີ ໃນຄະດີຮຸ້ນຊິນຄອບເປີເຣຊັນ

Published on

ສຳນັກຂ່າວ Thai PBS ລາຍງານ ວັນທີ​ 14​ ມັງກອນ​ 2021​ ນີ້​ເວັບໄຊ​ຣາຊະກິດຈານຸເບກຂາ​ ແຫ່ງຣາຊະອານາຈັກໄທ ໄດ້ເຜີຍແຜ່ຄຳພິພາກສາ​ສານດີກາພິແນກຄະດີອາຍາຂອງຜູ້ດຳລົງຕຳແໜ່ງ​ທາງການເມືອງລະຫວ່າງໄອຍະການສູງສຸດ(ໂຈດ)​ ແລະ​ ທ່ານທັກສິນ ຊີນນະວັດ​ ເລື່ອງຄວາມຜິດຕໍ່ໜ້າທີ່ຕຳແໜ່ງ​ທາງຣາຊະການ​ ການຂັດກັນລະຫວ່າງປະໂຫຍດສ່ວນບຸກຄົນ​ ແລະ​ປະໂຫຍດສ່ວນລວມ​ ຫຼື​ ຄະດີຮຸ້ນຊິນຄອບເປີເຣຊັນ ທີ່ເກີດຂຶ້ນໃນຂະນະທີ່ດຳລົງຕຳແໜ່ງນາຍົກ ທີ່ເອີ້ນວ່າກະທຳການຝ່າຝືນກົດໝາຍ.

ພະແນກຄະດີອາຍາຂອງສານສູງສຸດໄດ້ຕັດສິນຈຳຄຸກທ່ານ ທັກສິນ ຊິນນະວັດ ເປັນເວລາ 5 ປີ ໃນການ ນຳໃຊ້ຕຳແໜ່ງເອື້ອອຳນວຍຜົນປະໂຫຍດໃຫ້ແກ່ບໍລິສັດ ແອດວານອິນໂຟ ເຊີວິສ (ADVANC) ແລະ ບໍລິສັດ ດີຈີຕອນໂຟນ ຈຳກັດ ໃນເຄືອ SHIN ເຮັດໃຫ້ເກີດຄວາມເສຍຫາຍ 6.6 ໝື່ນລ້ານບາດ ເມື່ອລວມຄະດີເກົ່າທ່ານ ທັກສິນ ມີໂທດຈຳຄຸກເປັນເວລາ 10 ປີ.

ພາຍຫຼັງ​ພິຈາລະນາ​ ໄດ້ມີການລົງມະຕິ​ໃຫ້ລົງໂທດຖານ​ເປັນເຈົ້າໜ້າທີ່ລັດ​ ມີການຖືຮຸ້ນ​ໃນບໍລິສັດທີ່ສຳປະທານ​ ຫຼື​ ເປັນຄູ່ຮ່ວມສັນຍາ​ມີໂທດຕິດຄຸກ 2​ປີ​ ແລະ​ຖານເປັນພະນັກງານ​ ມີໜ້າທີ່ຈັດການ ຫຼື​ ເບິ່ງແຍງ​ກິດຈະການ​ໂດຍມີສ່ວນໄດ້ເສຍຜົນປະໂຫຍດ​ສຳລັບຕົນເອງ ແລະ​ ຜູ້ອື່ນ​ໂທດຕິດຄຸກ 3​ປີ​ ລວມເປັນ​ 5​ ປີ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...