spot_img
Homeຂ່າວຕ່າງປະເທດ"ນໍເວ"ພົບຜູ້ເສຍຊີວິດ 29 ຄົນຫຼັງສັກຢາວັກຊີນປ້ອງກັນໂຄວິດ-19

“ນໍເວ”ພົບຜູ້ເສຍຊີວິດ 29 ຄົນຫຼັງສັກຢາວັກຊີນປ້ອງກັນໂຄວິດ-19

Published on

ສຳນັກຂ່າວຕ່າງປະເທດ ລາຍງານເມື່ອວັນທີ 17 ມັງກອນ 2021 ລັດຖະບານປະເທດນໍເວເລີ່ມສະແດງຄວາມກັງວົນກ່ຽວກັບຄວາມປອດໄພຂອງວັກຊີນປ້ອງກັນໄວຣັສໂຄວິດ-19 ທີ່ພັດທະນາໂດຍບໍລິສັດ ໄຟເຊີ ແລະ ໄບໂອເອັນເທດ ຫຼາຍຂ້ນເລື່ອຍໆ ຫຼັງຈາກມີຜູ້ສູງອາຍຸທີ່ມີບັນຫາສຸຂະພາບເສຍຊີວິດຫຼັງໄດ້ຮັບວັກຊີນປ້ອງກັນໂຄວິດ-19ຕົວນີ້ເພີ່ມເປັນ 29 ຄົນແລ້ວ.

ການເສຍຊີວິດຫຼັງສັກວັກຊີນໂຄວິດ-19 ໃນນໍເວ ເຮັດໃຫ້ສະຖາບັນສາທາລະນະສຖກໃນນໍເວເຕືອນວ່າ ສຳລັບຜູ້ທີ່ມີສຸຂະພາບອ່ອນແອ ເມື່ອໄດ້ຮັບຜົນຂ້າງຄຽງຈາກວັກຊີນພຽງເລັກນ້ອຍອາດເປັນບັນຫາໃຫຍ່ໄດ້.

ທ່ານ ນາງ ເອເມີ ຄຸດ ຫົວໜ້າສຳນັກງານການແພດເອີຣົບກ່າວວ່າ ສິ່ງທີ່ເກີດຂື້ນໃນປະເທດນໍເວບໍ່ໄດ້ ໝາຍຄວາມວ່າມີບັນຫາ ຊາວໜຸ່ມຜູ້ທີ່ມີສຸຂະພາບແຂງແຮງ ຄວນຫຼີກລ່ຽງການສັກຢາປ້ອງກັນພະຍາດໂຄວິດ-19 . ແຕ່ມັນເປັນການສະແດງໃຫ້ເຫັນເຖິງສິ່ງທີ່ຕ້ອງໄດ້ຕິດຕາມເບິ່ງໃນໄລຍະເບື້ອງຕົ້ນ. ຍ້ອນວ່າຫຼາຍປະເທດໄດ້ເລີ່ມຕົ້ນອອກບົດລາຍງານດ້ານຄວາມປອດໄພແລ້ວ.

ດ້ານບໍລິສັດ ໄຟເຊີ ແລະ ໄບໂອເອັນເທດ ກ່າວວ່າ ພວກເຂົາກຳລັງຮ່ວມມືກັບເຈົ້າໜ້າທີ່ກວດສອບຂອງນໍເວ ເພື່ອສືບສວນຫາຄວາມຈິງຂອງການເສຍຊີວິດທີ່ເກີດຂຶ້ນ ໂດຍໄຟເຊີເນັ້ນຢໍ້າວ່າ ຈຳນວນເຫດການທີ່ພົບຈົນຮອດຕອນນີ້ຍັງບໍ່ແມ່ນເລື່ອງທີ່ໜ້າຕົກໃຈ ແລະ ສອດຄ່ອງກັບຈຳນວນທີ່ຄາດການເອົາໄວ້.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...