ຜູ້ອຳນວຍການໃຫຍ່ຂອງອົງການອະນາໄມໂລກ WHO ທ່ານ ທີໂດຣສ ອັດຮານອມ ກ່າວວ່າທ່ານຮູ້ສຶກຜິດຫວັງຫຼາຍ ຈີນບໍ່ໄດ້ອະນຸມັດໃຫ້ຄະນະຊ່ຽວຊານສາກົນຄົ້ນຄວ້າຫາສາເຫດຂອງໂຄວິດ-19.
ສຳນັກຂ່າວຕ່າງປະເທດ ລາຍງານວ່າ ທີມຜູ້ຊ່ຽວຊານທັງໝົດ 10 ຄົນມີແຜນເດີນທາງເຂົ້າໄປເຮັດວຽກໃນຕົ້ນເດືອນມັງກອນ 2021 ແລະ ມີພາລະກິດສອບສວນຜູ້ຕິດເຊື້ອໂຄວິດ-19 ກໍລະນີທຳອິດຂອງໂລກ ເຊິ່ງພົບໃນເມືອງອູຮັ່ນຄັ້ງທຳອິດ.
ທ່ານ ໂດຣສກ່າວວ່າ “ພວກເຮົາຫາກໍ່ຮູ້ໃນມື້ນີ້ວ່າ ທາງລັດຖະບານຈີນບໍ່ອະນຸມັດໃຫ້ທີມງານເຂົ້າປະເທດ ຂ້ອຍໄດ້ລົມກັບເຈົ້າໜ້າທີ່ລະດັບສູງຂອງຈີນ ແລະ ຢືນຢັນວ່າພາລະກິດນີ້ເປັນເລື່ອງຈຳເປັນຂອງອົງການອານາໄມໂລກ”.
ພາລະກິດນີ້ອາດຈະນຳໂດຍທ່ານ ປີເຕີ ເບນ ເອັມບາເຣັກ ຜູ້ຊ່ຽວຊານດ້ວຍໂຣກຕິດຕໍ່ຈາກສັດສູ່ຄົນຂອງອົງການອານາໄມໂລກ ແລະ ເຄີຍເຂົ້າໄປເຮັດພາລະກິດໃນປະເທດຈີນ ເມື່ອເດືອນກໍລະກິດທີ່ຜ່ານມາ.
ເຖິງຢ່າງໃດກໍ່ຕາມ, ເຈົ້າໜ້າທີ່ຈີນໄດ້ກວດກາຕົ້ນກຳເນີດຂອງ ໂຄວິດ-19 ແລະກ່າວວ່າການສຶກສາຫຼາຍໆຄັ້ງຊີ້ໃຫ້ເຫັນວ່າ ການລະບາດໄດ້ເກີດຂື້ນໃນຫຼາຍພື້ນທີ່.
ຮຽບຮຽງຂ່າວ: ພດສະດີ