ສໍານັກຂ່າວຕ່າງປະເທດ ລາຍງານໃຫ້ຮູ້ວ່າ ສາທາລະນະສຸກຫວຽດນາມລາຍງານວ່າ ພົບຜູ້ຕິດເຊື້ອໄວຣັສໂຄວິດ-19 ສາຍພັນໃໝ່ກໍລະນີທໍາອິດໃນປະເທດ ເຊິ່ງເປັນສາຍພັນດຽວກັນທີ່ລະບາດໃນອັງກິດ.
ຜູ້ຕິດເຊື້ອໂຄວິດ-19 ລາຍໃໝ່ເປັນເພດຍິງໄວອາຍຸ 44ປີ ທີ່ເດີນທາງກັບຈາກປະເທດອັງກິດ ໂດຍໄດ້ກັກຕົວທັນທີເດີນທາງເຖິງຫວຽດນາມ ແລະ ໄດ້ຮັບການຢືນຢັນວ່າຕິດເຊື້ອໃນວັນທີ 24 ທັນວາ 2020 ໂດຍການກວດຫາເຊື້ອໄວຣັສພົບວ່າເປັນສາຍພັນໃໝ່ທີ່ກຳລັງແຜ່ລະບາດໃນອັງກິດ.
ປັດຈຸບັນ, ຫວຽດນາມມີຍອດຜູ້ຕິດເຊື້ອໂຄວິດ-19 ສະສົມ 1,474 ຄົນ ແລະ ມີຜູ້ເສຍຊີວິດ 35 ຄົນ.
ຮຽບຮຽງຂ່າວ: ພຸດສະດີ