ດູໄບ ປະກາດເປີດໂຕໜ່ວຍພະຍາບານເຄື່ອນທີ່ໄວ ໃຊ້ລົດສະປອດຫລູ Lotus Evora ເປັນຍານພາຫະນະ ຫວັງແກ້

ປັນຫາເຈົ້າໜ້າທີ່ເດີນທາງລ່າຊ້າ.

ສຳນັກຂ່າວຕ່າງປະເທດລາຍງານ ໃນວັນທີ 21 ຕຸລານີ້ວ່າ ລັດຖະບານດູໄບ ໄດ້ປະກາດເປີດໜ່ວຍພະຍາບານເຄື່ອນ

ທີ່ໄວທີ່ສຸດໃນໂລກ ໂດຍໃຊ້ລົດສະປອດຫລູຂອງອັງກິດ ໂລຕັສ ເອໂວຣ່າ ທີ່ສາມາດແລ່ນໄວສູງສຸດໄດ້ເຖິງ 261 ກິໂລ

ແມັດຕໍ່ຊົ່ວໂມງ ເປັນລົດປະຈຳການຂອງໜ່ວຍ ເພື່ອແກ້ໄຂປັນຫາທີ່ມັກໄດ້ຮັບການຮ້ອງຮຽນຈາກປະຊາຊົນ ກ່ຽວ

ກັບລົດສຸກເສີນຂອງດູໄບ ມັກຈະເດີນທາງໄປເຖິງພື້ນທີ່ເກີດເຫດລ່າຊ້າ ໂດຍເປັນທີ່ຄາດກັນວ່າ ຫລັງຈາກນີ້ຕໍ່ໄປ

ລົດໂຮງໝໍສະປອດຄັນດັ່ງກ່າວນີ້ ຈະຊ່ວຍນຳເອົາທີມແພດ ແລະ ພະຍາບານສຸກເສີນ ໄປຍັງທີ່ເກີດເຫດໄດ້ພາຍໃນ

3 – 4 ນາທີ.

ແຫລ່ງຂ່າວໄດ້ເປີດເຜີຍວ່າ ທາງການດູໄບໄດ້ຈັດຊື້ລົດສະປອດດັ່ງກ່າວ ແລ້ວມາດັດແປງໃຫ້ກາຍເປັນລົດສຸກເສີນ

ດ້ວຍລາຄາຄັນລະ 160,000 ໂດລາ ເຊິ່ງເບື້ອງຕົ້ນທາງການໄດ້ກຽມຈັດເຝິກອົບຮົມການຂັບຂີ່ລົດດັ່ງກ່າວໃຫ້ເຈົ້າ

ໜ້າທີ່ໃນໜ່ວຍສຸກເສີນປະມານ 50 ຄົນ ເພື່ອໃຫ້ເຈົ້າໜ້າທີ່ຄຸ້ນເຄີຍກັບການໃຊ້ງານລົດສະປອດຫລູແບບ 2 ບ່ອນ

ນັ່ງ ເຊິ່ງໄດ້ມີການຕິດຕັ້ງລະບົບເຄື່ອງຊ່ວຍຫາຍໃຈ ແລະ ອຸປະກອນຊ່ວຍຊີວິດເບື້ອງຕົ້ນອື່ນໆໄວ້ຢູ່ພາຍໃນ ໂດຍ

ຄາດວ່າໜ່ວຍພະຍາບານເຄື່ອນທີ່ໄວ ພ້ອມກັບລົດສຸກເສີນໄວທີ່ສຸດໃນໂລກດັ່ງກ່າວ ຈະພ້ອມເປີດນຳໃຊ້ຢ່າງເຕັມ

ຮູບແບບພາຍໃນທ້າຍປີນີ້.