ເຈົ້າໜ້າທີ່ລະດັບສູງໃນສະຫະພາບເອີຣົບ ແລະ ຜູ້ນຳຫຼາຍປະເທດເຂົ້າສູ່ຂະບວນການກັກຕົວ ຫຼັງລັດຖະບານຍີ່ປຸ່ນຢືນຢັນວ່າ ທ່ານ ເອມມານູເອລ ມາຄົງ ປະທານາທິບໍດີຝຣັ່ງຕິດເຊື້ອໂຄວິດ-19.
ສຳນັກຂ່າວ BBC ລາຍງານໃຫ້ຮູ້ວ່າ ທ່ານ ເອມມານູເອລ ມາຄົງ ເຂົ້າປະຊຸມຮ່ວມກັບເຈົ້າໜ້າທີ່ລະດັບສູງຂອງກະຊວງການຕ່າງປະເທດຝັ່ງ ຜ່ານລະບົບເທເລຄອນເຟີເຣນຊ໌ ເມື່ອວັນພະຫັດແທນການເຂົ້າຮ່ວມຫາລດ້ວຍຕົວເອງ ເນື່ອງຈາກຕິດໂຄວິດ-19.
ລັດຖະບານຝຣັ່ງລາຍງານວ່າ ປະທານາທິບໍດີ ມາຄົງ ໄດ້ກັກຕົວເປັນເວລາ 7 ວັນຕາມລະບຽບປະຕິບັດຂອງຝຣັ່ງ ແລະ ຍັງປະຕິບັດໜ້າທີ່ຕາມປົກກະຕິໃນສະຖານກັກຕົວ.
ດ້ານໜ່ວຍງານສາທາລະນະສຸກໄດ້ຕິດຕາມຜູ້ສຳພັດໃກ້ຊິດກັບຜູ້ນຳຝຣັ່ງໃນໄລຍະນີ້ໃຫ້ເຂົ້າຮັບການກວດ ແລະ ກັກຕົວ ເຊິ່ງຜູ້ນຳຝຣັ່ງໄດ້ສຳພັດມືກັບທ່ານ ໂອເຊ ອັງເກີລ ກູຣ໌ເຣຍ ເລຂາທີການອົງການເພື່ອຄວາມຮ່ວມມື ແລະ ການພັດທະນາເສດຖະກິດ ໃນລະຫວ່າງພົບກັນທີ່ນະຄອນຫຼວງປາຣີສ ເມື່ອຕົ້ນອາທິດນີ້.
ຮຽບຮຽງຂ່າວ: ພຸດສະດີ