ສຳນັກຂ່າວຕ່າງປະເທດ ລາຍງານວ່າ ລັດຖະບານຣັດເຊຍ ເລີ່ມແຈກຢາຍວັກຊີນປ້ອງກັນໂຄວິດ-19 ພາຍໃຕ້ຊື່ Sputnik V ໃຫ້ແກ່ປະຊາຊົນຜູ້ຢູ່ໃນກຸ່ມຄວາມສ່ຽງສູງແລ້ວຕັ້ງແຕ່ວັນເສົາທີ 5 ທັນວາ 2020 ທີ່ຜ່ານມາ ເຮັດໃຫ້ຣັດເຊຍກາຍເປັນປະເທດທຳອິດຂອງໂລກທີ່ແຈກຢາຍວັກຊີນຕ້ານເຊື້ອໄວຣັດໂຄວິດ-19 ໃນວົງກວ້າງ.

ສຳນັກຂ່າວຣອຍເຕີ ລາຍງານວ່າ ທ່ານ ວາລາດິເມຍ ປູຕິນ ປະທານາທິບໍດີຣັດເຊຍ ສັ່ງການໃຫ້ທຸກພາກສ່ວນສະໜັບສະໜຸນໃຫ້ປະຊາຊົນຣັດເຊຍທົ່ວປະເທດສາມາດເຂົ້າຮັບວັກຊີນໂຄວິດ-19 ໄດ້ໃນອາທິດໜ້າ ພ້ອມທັງຢືນຢັນໃນປະສິດທິພາບຂອງວັກຊີນອີກກວ່າ 2 ລ້ານໂດສ ພາຍໃນໄລຍະເວລາບໍ່ດົນຕໍ່ຈາກນີ້.

ທີ່ຜ່ານມາ ຣັດເຊຍພັດທະນາວັກຊີນປ້ອງກັນໂຄວິດ-19 ອອກມາ 2 ຊະນິດຄື: Sputnik V ແລະ ວັກຊີນອີກປະເພດທີ່ສະຖາບັນໄຊເບີເລຍ ເວກເຕີ  (Siberia’s Vector) ເປັນຜູ້ພັດທະນາຫຼັກ ແຕ່ວ່າວັກຊີນທັງສອງ ສະຖາບັນຍັງບໍ່ສຳເລັດຂະບວນການທົດລອງຂັ້ນສຸດທ້າຍ ເຮັດໃຫ້ນັກວິທະຍາສາດຈຳນວນຫຼາຍມີຂໍ້ສົງໃສເຖິງປະສິດທິພາບ ແລະ ຜົນຂ້າງຄຽງທີ່ອາດຈະເກີດຂຶ້ນໄດ້ ເນື່ອງຈາກໄລຍະເວລາໃນການພັດທະນາວັກຊີນນັ້ນໄວເກີນໄປ ແລະ ຍັງເປັນວັກຊີນທີ່ບໍ່ຜ່ານການທົດລອງໃນຂັ້ນຕອນສຸດທ້າຢ່າງສົມບຸນເທື່ອ.

ຮຽບຮຽງຂ່າວ: ພຸດສະດີ