ສຳນັກຂ່າວຕ່າງປະເທດ ລາຍງານວ່າ RDIF ເຊິ່ງເປັນກອງທນບໍລິຫານຄວາມໝັ້ນຄົງຂອງຣັດເຊຍ ແລະ ສະໜັບສະໜູນການຜະລິດວັກຊີນ “ສະປຸດນິດ ຟາຍ” (Sputnik V) ເຊິ່ງເປັນວັກຊີນຕ້ານໂຄວິດ-19 ໄດ້ກ່າວວ່າຣັດເຊຍຈະຜະລິດວັກຊີນຕ້ານໂຄວິດ-19 ລາຄາຖືກກວ່າບໍລິສັດຄູ່ແຂ່ງຈາກ ສ.ອາເມລິກາ ແລະ ຕັ້ງເປົ້າທີ່ຜະລິດວັກຊີນດັ່ງກ່າວເຖິງ 1 ພັນລ້ານໂດສໃນ 2021.
“ລາຄາວັກຊີນສະປຸດນິດ ຟາຍ ຕໍ່ 1 ໂດສ ສຳລັບຕະຫຼາດຕ່າງປະເທດ ຈະມີລາຄາຕໍ່າກວ່າ 10 ໂດລາ” ໂດຍການໃຊ້ວັກຊີນໂຄວິດ-19 ຂອງຣັດເຊຍນ້ນຈະຕ້ອງຊັກຈຳນວນ 2 ໂດສ.
RDIF ກ່າວຕື່ມອີກວ່າ “ວກຊີນສະປຸດນິດ ຟາຍ ຈະມີລາຄາຖືກກວ່າວັກຊີນຂອງຕ່າງປະເທດທີ່ໃຊ້ເທັກໂນໂລຢີ mRNA ຫຼາຍກວ່າ 2 ເທົ່າ ແຕ່ມີປະສິດທິພາບໃກ້ຄຽງກັນ ໃນຂະນະທີ່ປະຊາຊົນຣັດເຊຍແມ່ນຊັກວັກຊີນສະປຸຸດນິດ ຟາຍ ຟຣີ.”
ທັງນີ້, ວັກຊີນໂຄວິດ-19 ທີ່ໄຟເຊີ ພັດທະນາຮ່ວມກັບບໍລິສັດໄບອອນເທດນັ້ນ ຄາດວ່່າຈະມີລາຄາປະມານ 20 ໂດລາຕໍ່ໂດສ ໃນຂະນະທີ່ຊີອີໂອ ຂອງໂມເດີນາ ກ່າວວ່າ ວັກຊີນຂອງໂມເດີນາ ຈະມີລາຄາ 25-37 ໂດລາຕໍ່ໂດສ ໂດຍຈະຂຶ້ນກັບປະລິມານການສັ່ງຊື້ ແລະ ວັກຊີນຂອງ 2 ບໍລິສັດນີ້ຈະຕ້ອງຊັກໃນປະລິມານ 2 ໂດສ.
ຮຽບຮຽງຂ່າວ: ພຸດສະດີ