ສຳນັກຂ່າວຊິນຫົວເປີດເຜີຍບົດສຳພາດຂອງທ່ານ ຫຼິວຄຸນ ລັດຖະມົນຕີກະຊວງການເງິນຂອງຈີນ ທີ່ເຜີຍແຜ່ຜ່ານເວັບໄຊກະຊວງ ເມື່ອວັນທີ 20 ພະຈິກ ທີ່ຜ່ານມາ ລະບຸວ່າ ຈີນຄອງອັນດັບ 1 ໃນກຸ່ມປະເທດ 20 G ດ້ານປະລິມານການເລື່ອນໜີ້ ພາຍໃຕ້ແຜນລິເລີ່ມຜ່ອນຜັນການຊໍາລະໜີ້ ສຳລັບກຸ່ມປະເທດທີ່ທຸກຍາກທີ່ສຸດ.

ທ່ານ ຫຼິວ ກ່າວວ່າ ເຈົ້າໜ້າທີ່ລະດັບພາຄີຂອງລັດຖະບານຈີນ ເຊິ່ງລວມທັງໜ່ວຍງານຄວາມຮ່ວມມືເພື່ອການພັດທະນາລະຫວ່າງປະເທດຂອງຈີນ ແລະ ທະນາຄານເພື່ອການສົ່ງອອກ-ນໍາເຂົ້າແຫ່ງປະເທດຈີນ ໄດ້ໂຈະພາລະໜີ້ລວມ 1,353 ລ້ານໂດລາ ເຊິ່ງເປັນປະໂຫຍດແກ່ 23 ປະເທດ.

ດ້ານທະນາຄານເພື່ອການພັດທະນາແຫ່ງປະເທດຈີນ ທີ່ເປັນເຈົ້າໜີ້ ໄດ້ລົງນາມຂໍ້ຕົກລົງຫຼາຍສະບັບສຳລັບກຸ່ມຜູ້ໄດ້ຮັບຜົນປະໂຫຍດໃນແຜນລິເລີ່ມ ທີ່ກ່ຽວພັນກັບໜີ້ສິນ 748 ລ້ານໂດລາ ເມື່ອເດືອນກັນຍາທີ່ຜ່ານມາ.

ກຳນົດເວລາໃຫ້ກຸ່ມປະເທດທີ່ທຸກຍາກທີ່ສຸດໂຈະຊໍາລະໜີ້ຈົນຮອດວັນທີ 30 ມິຖຸນາ 2021.

ຮຽບຮຽງຂ່າວ: ພຸດສະດີ