ວັກຊີນທີ່ພັດທະນາຮ່ວມກັນໂດຍບໍລິສັດ Pfizer ແລະ BioNTech ມີປະສິດທິພາບ 90% ໃນການປ້ອງກັນການຕິດເຊື້ອໂຄວິດ-19 ໃນການທົດລອງໄລຍະທີ 3 ຢ່າງຕໍ່ເນື່ອງ.

ເວັບໄຊ posttoday ລາຍງານວ່າ ຈາກຜົນການວິໄຈເບື້ອງຕົ້ນພົບວ່າພູມຄຸ້ມກັນໃນຜູ້ປ່ວຍຈະເກີດຂຶ້ນ 7 ວັນຫຼັງຈາກໄດ້ຮັບວັກຊີນຄັ້ງທີ 2 ແລະ 28 ວັນຫຼັງຈາກການຮັບວັກຊີນຄັ້ງທຳອິດ.

ບໍລິສັດທັງສອງແຫ່ງກ່າວວ່າ ພວກເຂົາຄາດການວ່າຈະຈັດຫາວັກຊີນໄດ້ຫຼາຍເຖິງ 50 ລ້ານໂດສໃນປີ 2020 ແລະ ເພີ່ມຂຶ້ນເຖິງ 1.3 ລ້ານໂດສໃນປີ 2021.

ທັງນີ້, ໂຄສົກຂອງທ່ານນາຍົກລັດຖະມົນຕີບໍຣິສ ຈອນສັນ ເປີດເຜີຍວ່າ ປະເທດອັງກິດຄາດວ່າຈະມີວັກຊີນປ້ອງກັນໂຄວິດ-19 ຂອງ Pfizer / BioNTech ຈຳນວນ 10 ລ້ານໂດສພາຍໃນທ້າຍປີນີ້ຫາກໜ່ວຍງານກຳກັບດູແລອະນຸມັດ.

ຮຽບຮຽງຂ່າວ: ພຸດສະດີ