ສຳນັກຂ່າວຕ່າງປະເທດ ລາຍງານວ່າ ທ່ານ ໂຈ ໄບເດນ ຫຼື ໂຈເຊັບ ລໍບິເນດ ໄບເດນ ຈູເນຍ ວ່າທີ່ປະທານາທິບໍດີສະຫະລັດອາເມລິກາ ຄົນທີ 46 ຄົນນີ້ ເກີດເມື່ອວັນທີ 20 ພະຈິກ 1942 ທີ່ເມືອງສະແກຣນຕັນ ລັດເພນຊິລເວເນຍ ຮຽນຈົບຈາກມະຫາວິທະຍາໄລເດລາແວຣ໌ ແລະ ຈົບກົດໝາຍຈາກມະຫາວິທະຍາໄລຊີຣາຄິວສ໌.
ໃນການເລືອກຕັ້ງປະທານາທິບໍດີ ສ. ອາເມລິຄັ້ງນີ້ ທ່ານ ໂຈ ໄບເດນ ໄດ້ຄະແນນທີ່ລັດເພນຊິລເວເນຍ ດ້ວຍອັດຕາສ່ວນ 49.6% ໂດຍ ໂດນັລ ທຣໍ້າໄດ້ຄະແນວໃນລັດນີ້ ທີ່ມີອັດຕາສ່ວນ 49.1 %. ຈຶ່ງເຮັດໃຫ້ທ່ານ ໂຈ ໄບເດນ ໄດ້ຮັບຄະແນນຄະນະຜູ້ເລືອກຕັ້ງເພີ່ມອີກ 20 ຄະນະບວກກັບຄະແນນເກົ່າລວມ ເປັນ 273 ຄະແນນ ກາຍເປັນຜູ້ຊະນະການເລືອກຕັ້ງ ແລະ ໄດ້ຮັບຕຳແໜ່ງປະທານາທິບໍດີ ສ.ອາເມລິ ກາຄົນໃໝ່.
ເປີດປະຫວັດ ແລະ ຜົນງານທີ່ຜ່ານໃນເສັ້ນທາງການເມືອງຂອງທ່ານ “ໂຈ ໄປເດນ” ຜູ້ນໍາອາເມລິກາຄົນໃໝ່
- ຈົບປະລິນຍາຕີ ສາຂາລັດຖະສາດ ແລະ ປະຫວັດສາດ
- ສໍາເລັດການສຶກສານິຕິສາດ Juris Doctor
- ປີ 1968-1969 ທະນາຍຄວາມຝ່າຍຈໍາເລີຍ ທີ່ເມືອງ Wilmington
- ປີ 1970-1972 ສະມາຊິກສະພາເທດສະມົນທົນ New Castle ລັດເດລາເເວຣ໌
- ປີ 1973 ເລີ່ມຊີວິດທາງການເມືອງ ເປັນສະມາຊິກວຸດທິ ສະພາ(ສ.ວ) ລັດເດລາເເວຣ໌ (6ສະໄໝ)
- ປີ 1987-1999 ປະທານຄະນະກໍາມາທິການຍຸຕິທໍາ ສະຫະລັດ
- ປີ 2001-2009 ປະທານຄະນະກໍາມາທິການຕ່າງປະເທດ ວຸດທິສະພາສະຫະລັດ
- ປີ 2009-2017 ຮອງປະທານາທິບໍດີສະຫະລັດ ສະໄໝປະທານາທິບໍດີ ບາຣັກ ໂອບາມາ
- ປີ 2020 ປະທານາທິບໍດີສະຫະລັດອາເມລິກາ ຄົນທີ 46.
ຮຽບຮຽງຂ່າວ: ພຸດສະດີ