ກົມອຸຕຸນິຍົມ ແລະ ອຸທົກກະສາດ ເຕືອນພາຍຸໝຸນເຂດຮ້ອນ (Goni) ຫົວທີ່ 19 ປະຈຳປີ 2020 ຕາເວັນຕົກຂອງມະຫາສະໝຸດປາຊີຟິກຕອນເໜືອ, ເຊິ່ງໃນເວລາ 8 ໂມງ ຂອງວັນທີ 03 ພະຈິກ 2020 ມີຈຸດສູນກາງຢູ່ເສັ້ນຂະໜານທີ່ 14.9 ອົງສາເໜືອ ແລະ ເສັ້ນແວງທີ່ 115.3 ອົງສາຕາເວັນອອກ ພວມເຄື່ອນທີ່ມາທາງທິດຕາເວັນຕົກດ້ວຍຄວາມໄວ 15 ກິໂລແມັດຕໍ່ຊົ່ວໂມງ ແລະ ຄາດຄະເນວ່າພາຍຸຫົວນີ້ ຈະເຄື່ອນຂຶ້ນຝັ່ງເຂດເມືອງ ດານັງ ຂອງປະເທດ ສສ ຫວຽດນາມ ໃນວັນທີ 4 ຫາ 5 ພະຈິກ 2010 ນີ້ ແລະ ໃນຕອນເຊົ້າຂອງວັນທີ 6 ພະຈິກ 2020 ຈະອ່ອນກຳລັງລົງກາຍເປັນພາຍຸດີເປຼ່ຊັ້ນ ເຄື່ອນທີ່ຜ່ານແຂວງ ອັດຕະປື ແລະ ຈຳປາສັກ ເຊິ່ງຈະເຮັດໃຫ້ມີຝົນຕົກໃນລະດັບປານກາງ ຫາ ໜັກ ແລະ ມີລົມພັດແຮງຢູ່ບາງທ້ອງຖິ່ນ.
ຮຽບຮຽງຂ່າວ: ພຸດສະດີ