ກະຊວງຍຸດຕິທຳອາເມລິກາ ໄດ້ຍື່ນຟ້ອງກູເກີລໃນຂໍ້ຫາລະເມີດກົດໝາຍປ້ອງກັນການຜູກຂາດ ເນື່ອງຈາກກູເກີລຜູກຂາດຕະຫຼາດການບໍລິການຄົ້ນຫາຂໍ້ມູນອອນລາຍ ເຊິ່ງໄດ້ສົ່ງຜົນເສຍກັບບັນດາຄູ່ແຂ່ງ ແລະ ຜູ້ບໍລິໂພກ.
ເວັບໄຊຂ່າວ ກຽວໂຕ ລາຍງານວ່າການຟ້ອງຮ້ອງດັ່ງກ່າວແມ່ນຄັ້ງທຳອິດນັບຕັ້ງແຕ່ທີ່ໄມໂຄຣຊັອຟເຄີຍຖືກຟ້ອງໃນປີ 1998 ໂດຍກະຊວງຍຸດຕິທຳອາເມລິກາກ່າວວ່າ ລັດຖະບານຕ້ອງການທີ່ຈະບັງຄັບໃຊ້ກົດໝາຍປ້ອງກັນການຜູກຂາດອີກຄັ້ງ ເພື່ອຟື້ນຟູການແຂ່ງຂັນ ແລະ ເປີດປະຕູສູ່ນະວັດຕະກຳໃໝ່ໆ.
ເຊິ່ງທາງກູເກີລໄດ້ອອກມາວິຈານການຟ້ອງຮ້ອງດັ່ງກ່າວທັນທີ ໂດຍລະບຸໃນລະແຫຼງການວ່າ ການຟ້ອງຮ້ອງນີ້ມີຂໍ້ບົກຜ່ອງຫຼາຍ ແລະ ບໍ່ໄດ້ຊ່ວຍຜູ້ບໍລິໂພກໃດໆເລີຍ.
ຮຽບຮຽງຂ່າວ: ພຸດສະດີ