ສຳນັກຂ່າວ CNN ລາຍງານວ່າ ທ້າວ ຊິລວຽນ ເຮເລນ ຄູສອນໜັງສື ສັນຊາດຝຣັ່ງ ອາຍຸ 35ປີ ທີ່ມີຮອຍສັກເຕັມໝົດໂຕ ແລະ ຍັງສັກລິ້ນພ້ອມເຮັດຕາຂາວ ກຳລັງພົບຄວາມເດືອດຮ້ອນຫຼັງຈາກຜູ້ປົກຄອງນັກຮຽນພາກັນຮຽກຮ້ອງກັບທາງໂຮງຮຽນກ່ຽວກັບຮູບລັກພາຍນອກຂອງເຂົາ ເຮັດໃຫ້ຫຼ້າສຸດ, ທາງໂຮງຮຽນມີຄຳສັ່ງຫ້າມຄູຄົນດັ່ງກ່າວສອນໜັງສືຊັ້ນອະນຸບານ ເພື່ອບໍ່ໃຫ້ເດັກນ້ອຍຢ້ານ ແຕ່ຍັງດີທີ່ທາງໂຮງຮຽນໃຫ້ເຂົາສອນນັກຮຽນໄວອາຍຸ 6 ປີຂຶ້ນໄປ ໃນລະດັບຊັ້ນປະຖົມ.

ທ້າວ ເຮເລນ ເປັນຄູປະຖົມຢູ່ທີ່ໂຮງຮຽນແຫ່ງໜຶ່ງໃນປາເລໂຊ ເຂດຊານເມືອງປາຣີສ ໄດ້ເປີດເຜີຍວ່າ “ເຂົາຮູ້ວ່າຜູ້ປົກຄອງທີ່ໄປສະເໜີຕໍ່ໂຮງຮຽນນັ້ນ ເຫດຜົນແມ່ນມາຈາກຄວາມອັກຄະຕິສ່ວນຕົວ ເພາະລູກຫຼານຂອງຜູ້ປົກຄອງເຫຼົ່ານີ້ບໍ່ໄດ້ຮຽນໃນຊັ້ນຮຽນທີ່ເຂົາສອນ ສ່ວນເດັກນັກຮຽນປະຖົມກໍ່ເບິ່ງວ່າຄູຂອງພວກເຂົາມີຮອຍສັກຫຼາຍ ມັກເທ້ດີ ເພາະເປັນນັກຮຽນທີ່ຮູ້ຈັກນິໄສໃຈຄໍກັນດີຢູ່ແລ້ວ ແລະ ຮອຍສັກຂອງເຂົາຍັງສອນໃຫ້ນັກຮຽນຮູ້ຈັກຍອມຮັບໃນຕົວຕົນຂອງຄົນອື່ນທີ່ແຕກຕ່່າງຈາກຕົນເອງ”.

ຄູເຮເລນ ສາຍາ “ຣິດກີ້ ຮູ໊ດດີ້” ກ່າວວ່າ ບາງຄັ້ງຄົນເຮົາເບິ່ງແຕ່ພາຍນອກ ເມື່ອເຫັນເຂົາໃນສະພາບນີ້ກໍ່ຄິດວ່າເຂົາເປັນຄົນບໍ່ດີ ເຊິ່ງເຮັດໃຫ້ເຂົາຮູ້ສຶກເສົ້າໃຈ ເພາະວ່າເດັກນ້ອຍຄວນໄດ້ຮູ້ຈັກຍອມຮັບຄວາມແຕກຕ່າງຂອງຄົນໃນສັງຄົມເມື່ອພວກເຂົາໃຫຍ່ຂຶ້ນໄປຈະໄດ້ຫຼຸດບັນຫາກາານຢຽດເຊື້ອຊາດ ຫຼື ໂຣກການກຽດຊັງ, ການເລືອກປະຕິບັດຢ່າງບໍ່ມີເຫດຜົນ.

ຮຽບຮຽງຂ່າວ: ພຸດສະດີ