ສານຂອງລັດຖະບານກາງອາເມລິກາໄດ້ລະງັບຄຳສັ່ງຂອງຄະນະທຳງານຂອງປະທານາທິບໍດີໂດນັລ ທຣໍ້າ ໃນການຫ້າມດາວໂຫຼດແອັບຕິ໊ກຕ໊ອກ ຈາກແອັບສະໂຕຣ໌ຂອງບໍລິສັດແອັບເປິ້ນ ແລະ ກູເກິລ.

ເວັບໄຊ bangkokbiznews ລາຍງານວ່າ ກ່ອນໜ້ານີ້ ກະຊວງການຄ້າຂອງອາເມລິກາໄດ້ອອກຄຳສັ່ງຫ້າມດາວໂຫຼດແອັບວິດີໂອຕິ໊ກຕ໊ອກຈາກແອັບສະໂຕຣ໌ຂອງແອັບເປິ້ນ ແລະ ກູເກິລ ໂດຍຄຳສັ່ງຫ້າມດັ່ງກ່າວຈະມີຜົນບັງຄັບໃຊ້ໃນເວລາ 23:59 ນາທີ ຂອງວັນອາທິດຕາມເວລາຂອງອາເມລິກາ ຫຼື 10:59 ນາທີ ຕາມເວລາບ້ານເຮົາ.

ຜູ້ພິພາກສາ ຄາລ ນິໂຄລ ແຫ່ງສານເຂດອາເມລິກາໃນນະຄອນວໍຊິງຕັນ ໄດ້ເຮັດການສືບສວນຄຳຮ້ອງຟ້ອງຂອງຕິ໊ກຕ໊ອກ ຕໍ່ຄຳສັ່ງຫ້າມຂອງ ທຣໍ້າ ແລະ ມີການຕັດສິນໃຈທີ່ຈະໃຫ້ລະງັບຄຳສັ່ງດັ່ງກ່າວຂອງປະທານາທິບໍດີ ທຣໍ້າ ຊົ່ວຄາວ.

ຮຽບຮຽງຂ່າວ: ພຸດສະດີ