ສຳນັກຂ່າວ CNN ລາຍງານວ່າງານວິໄຈຂອງມະຫາວິທະຍາໄລລີດສ໌ໃນອັງກິດຮ່ວມກັບການທ່ອງທ່ຽວອອສເຕເລຍຕະເວັນຕົກໄດ້ພົບຫຼັກຖານທີ່ສະແດງໃຫ້ເຫັນວ່າການເບິ່ງສັດທີ່ໜ້າຮັກອາດຊ່ວຍຫຼຸດຜ່ອນຄວາມຕຶງຄຽດ ແລະ ຄວາມກັງວົນໃຈ.
ງານວິໄຈໄດ້ເຮັດການສຶກສາວ່າການເບິ່ງຮູບ ແລະ ວິດີໂອຂອງສັດໜ້າຮັກເປັນເວລາ 30 ວິນາທີ ຈະສົ່ງຜົນຕໍ່ຄວາມດັນເລືອດ, ອັດຕາການເຕັ້ນຂອງຫົວໃຈ ແລະ ຄວາມກັງວົນໃຈ.
ທ່ານ ດຣ. ແອນເດຣຍ ອັດລີ ຮອງສາດສະດາຈານແຫ່ງມະຫາວິທະຍາໄລລີດສ໌ ໄດ້ລວບລວມພາບຕັດຕໍ່ທີ່ມີຄວາມຍາວ 30 ນາທີຂອງສັດທີ່ໜ້າຮັກເຊັ່ນ: ລູກໝາ, ລູກແມວ, ກໍລີລານ້ອຍ ແລະ ຄວອກກ້າ (Guokkas).
ຈາກການສຶກສາດັ່ງກ່າວພົບວ່າກຸ່ມຕົວຢ່າງທຸກຄົນມີຄວາມດັນເລືອດ ອັດຕາການເຕັ້ນຂອງຫົວໃຈ ແລະ ຄວາມກັງວົນຫຼຸດລົງຫຼັງຈາກທີ່ເບິ່ງວິດີໂອດັ່ງກ່າວ. ຂະນະທີ່ອັດຕາຄວາມວິຕົກກັງວົນຫຼຸດລົງ 35% ວັດແທກໂດຍການໃຊ້ແບບປະເມີນຄວາມວິຕົກກັງວົນ ເຊິ່ງເປັນວິທີການປະເມີນຕົນເອງທີ່ມັກໃຊ້ເພື່ອວິນິດໄສຄວາມກັງວົນໂດຍສະມາຄົມຈິດຕະສາດອາເມລິກາ.
ຮຽບຮຽງຂ່າວ: ພຸດສະດີ