ເວັບໄຊຂ່າວ bangkokbiznews ລາຍງານວ່າລັດຖະບານ ສ.ອາເມລິິກາ ໄດ້ປະກາດຄວໍ້າບາດອິຫຼ່ານອີກຄັ້ງເມື່ອວັນທີ 20 ກັນຍາ 2020 ເຖິງຈະບໍ່ໄດ້ຮັບການສະໜັບສະໜຸນຈາກປະຊາຄົມໂລກ ເນື່ອງຈາກອິຫຼ່ານບໍ່ສາມາດຮັກສາຄຳໝັ້ນສັນຍາຕາມຂໍ້ຕົກລົງນິວເຄຣຍ.
ຄວາມເຄື່ອນໄຫວດັ່ງກ່າວຖືເປັນການກົດດັນຂັ້ນສູງສຸດ ຕໍ່ອິຫຼ່ານ ໂດນທ່ານ ໄມ ປອມເປໂອ ລັດຖະມົນຕີກະຊວງການຕ່າງປະເທດໄດ້ລະບຸວ່າ ສ.ອາເມລິກາຕັດສິນໃຈເຮັດແບບນີ້ ເນື່ອງຈາກອິຫຼ່ານບໍ່ຮັກສາສັນຍາຕາມຂໍ້ຕົກລົງນິວເຄຣຍ ຂະນະທີ່ຄະນະລັດຖະມົນຕີຄວາມໝັ້ນຄົງແຫ່ງສະຫະປະຊາຊາດກໍ່ບໍ່ສາມາດຕໍ່ອາຍຸການຫ້າມຊື້-ຂາຍອາວຸດຕໍ່ອິຫຼ່ານໄດ້ຄືກັນ.
ຖະແຫຼງການຂອງອາເມລິກາຍັງລະບຸອີກວ່າ ຫາກປະເທດສະມາຊິກ UN ຝ່າຝືນ ຫຼື ບໍ່ສາມາດປະຕິບັດຕາມກຳນົດດັ່ງກ່າວໄດ້ ອາເມລິກາກໍ່ພ້ອມທີ່ຈະໃຫ້ໜ່ວຍງານພາຍໃນປະເທດດຳເນີນມາດຕະການບາງຢ່າງ ເພື່ອໃຫ້ແນ່ໃຈວ່າອິຫຼ່ານຈະບໍ່ສາມາດຫາປະໂຫຍດຈາກກິດຈະກຳຕ້ອງເຫຼົ່ານີ້.
ກ່ອນໜ້ານີ້, ສ.ອາເມລິກາໄດ້ກົດດັນໃຫ້ອິຫຼ່ານເປີດການເຈລະຈາເພື່ອແກ້ໄຂບັນຫາດ້ານນິວເຄຣຍ ຂີປະນາວຸດ ແລະ ປະເດັນທີ່ໜ້າກັງວົນອື່ນໆ ໃນຂະນະທີ່ຄວາມສຳພັນລະຫວ່າງ ສ.ອາເມລິກາ ແລະ ອິຫຼ່ານ ມີຄວາມເຄັ່ງຮ້ອນໜັກຂຶ້ນ ຫຼັງຈາກທີ່ກອງທັບອາເມລິກາໄດ້ສັງຫານນາຍພົນກັສຊິມ ໂຊເລມານີ ຜູ້ບັນຊາການທະຫານຄົນສຳຄັນຂອງອິຫຼ່ານເມື່ອໄລຍະຕົ້ນປີ.
ຮຽບຮຽງຂ່າວ: ພຸດສະດີ