ເວັບໄຊຂ່າວ sanook ລາຍງານວ່າ ການປະກາດເລືອກທ່ານ ຊູງະ ໂຢຊິຮິເດະ ໃຫ້ດຳລົງຕຳແໜ່ງນາຍົກລັດຖະມົນຕີຄົນໃໝ່ ເຊິ່ງຖືເປັນຄົນທີ 99 ຂອງປະເທດຍີ່ປຸ່ນ ມີຂຶ້ນຫຼັງຈາກຄະນະລັດຖະມົນຕີຂອງທ່ານ ຊິນໂຊ ອາເບະ ປະກາດລາອອກທັງຄະນະໃນຕອນເຊົ້າວັນທີ 16 ກັນຍາ ເຊິ່ງຖືເປັນການສິ້ນສຸດການບໍລິຫານປະເທດທີ່ຍາວນານທີ່ສຸດໃນປະ ຫວັດສາດເກືອບ 8 ປີຂອງທ່ານ ອາເບະ.
ທ່ານ ຊຸງະ ໂຢຊິຮິເດະ ໄດ້ຂຶ້ນດຳລົງຕຳແໜ່ງນາຍົກລັດຖະມົນຕີແຫ່ງປະເທດຍີ່ປຸ່ນຄົນໃໝ່ ໃນວັນທີ 16 ກັນຍາ 2020 ໂດຍທ່ານ ຊຸງະ ໄດ້ຮັບຄະແນນສຽງສຸງເຖິງ 314 ສຽງ ຈາກຈຳນວນສະມາຊິກສະພາ 465 ຄົນ.
ວັນທີ 16 ກັນຍາ 2020, ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສາທາລະນະລັດ ປະ ຊາທິປະໄຕ ປະຊາຊົນລາວ ໄດ້ສົ່ງສານສະແດງຄວາມຊົມເຊີຍເຖິງ ພະນະທ່ານ ຊຸງະ ໂຢຊິຮິເດະ ນາຍົກລັດຖະມົນຕີແຫ່ງປະເທດຍີ່ປຸ່ນ ທີ່ ນະຄອນຫຼວງໂຕກຽວ ເຊິ່ງມີເນື້ອໃນດັ່ງນີ້: ເນື່ອງໃນໂອກາດທີ່ ພະນະທ່ານ ໄດ້ຮັບເລືອກຕັ້ງໃຫ້ດໍາລົງຕໍາແໜ່ງ ເປັນນາຍົກລັດຖະມົນຕີ ແຫ່ງປະເທດຍີ່ປຸ່ນ; ໃນນາມລັດ ຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ, ຂ້າພະ ເຈົ້າຂໍຖືເປັນກຽດຢ່າງສູງ ສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງພະນະທ່ານ
ຮຽບຮຽງຂ່າວ: ພຸດສະດີ