spot_img
Homeຂ່າວຕ່າງປະເທດຈີນປະກາດຫາກວັກຊີນໂຄວິດ-19 ສຳເລັດ 6 ປະເທດລຸ່ມນໍ້າຂອງຈະໄດ້ຮັບກ່ອນໝູ່

ຈີນປະກາດຫາກວັກຊີນໂຄວິດ-19 ສຳເລັດ 6 ປະເທດລຸ່ມນໍ້າຂອງຈະໄດ້ຮັບກ່ອນໝູ່

Published on

ເວັບໄຊຂ່າວ sanook ລາຍງານເມື່ອວັນທີ 24 ສິງຫາ ວ່າ ທ່ານ ຫຼີ່ເຄີ່ສຽງ ນາຍົກລັດຖະມົນຕີຈີນ ເປີດເຜີຍວ່າ ຈີນຈະໃຫ້ຄວາມສຳຄັນກັບການຈັດສັນວັກຊີນປ້ອງກັນໂຄວິດ-19 ແກ່ກຸ່ມປະເທດລຸ່ມແມ່ນໍ້າຂອງກ່ອນໝູ່ ເມື່ອວັກຊີນໄດ້ຮັບການພັດທະນາຈົນສຳເລັດ ແລະ ຖືກນຳໄປໃຊ້ໄດ້ແທ້.

ທ່ານ ຫຼີ່ ໄດ້ກ່າວໃນລະຫວ່າງການປະຊຸມຜູ້ນຳຄວາມຮ່ວມມືແມ່ນໍ້າລ້ານຊ້າງ-ແມ່ນໍ້າຂອງ (LMC) ຄັ້ງທີ 3 ຜ່ານລະບົບວິດີໂອ ໂດຍລະບຸວ່າຈີນຈະຈັດຕັ້ງກອງທຶນພິເສດເພື່ອສົ່ງເສີມພາກສາທາລະນະສຸກພາຍໃຕ້ຄວາມຮ່ວມຂອງກອງທຶນພິເສດແມ່ນໍ້າລ້ານຊ້າງ-ແມ່ນໍ້າຂອງ (LMC Special Fund) ແລະ ຈະເດີນໜ້າຈັດສັນອຸປະກອນປ້ອງກັນໂຣກລະບາດ ແລະ ການສະໜັບສະໜູນທາງເທັກນິກແກ່ກຸ່ມປະເທດລຸ່ມແມ່ນໍ້າຂອງຕໍ່ໄປ.

ນອກຈາກນັ້ນ, ທ່ານ ຫຼີ່ ເນັ້ນຢໍ້າເຖິງຄວາມສຳຄັນຂອງຄວາມເປັນນໍ້າໜຶ່ງໃຈດຽວກັນ ແລະ ຄວາມຮ່ວມມືໃນການຕໍ່ສູ້ກັບການລະບາດໃຫຍ່ທົ່ວໂລກ ພ້ອມກ່າວເສີມວ່າ ຈີນຍິນດີດຳເນີນງານຮ່ວມກັບກຸ່ມປະເທດລຸ່ມແມ່ນໍ້າຂອງ ເພື່ອສະໜັບສະໜູນການທຳງານຂອງອົງການອານາໄມໂລກ (WHO)

ທັງນີ້, ກຸ່ມປະເທດລຸ່ມແມ່ນໍ້າຂອງປະກອບມີ: ປະເທດລາວ, ກຳປູເຈຍ, ມຽນມາ, ຫວຽດນາມ, ໄທ ແລະ ຈີນ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...