Homeຂ່າວທ້ອງຖິ່ນລາວສະແດງຄວາມຍິນດີກັບຣັດເຊຍທີ່ປະສົບຄວາມສຳເລັດໃນການຂຶ້ຶນທະບຽນວັກຊີນ

ລາວສະແດງຄວາມຍິນດີກັບຣັດເຊຍທີ່ປະສົບຄວາມສຳເລັດໃນການຂຶ້ຶນທະບຽນວັກຊີນ

Published on

ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ສົ່ງຂໍ້ຄວາມເຖິງ ປະທານາທິບໍດີ ວາລາດິເມຍ ປູຕິນ ແຫ່ງຣັດເຊຍ ເພື່ອສະແດງຄວາມຍິນດີທີ່ສະຫະພັນຣັດເຊຍປະສົບຄວາມສຳເລັດໃນການພັດທະນາວັກຊີນປ້ອງກັນໂຄວິດ-19.

ຕາມການລາຍງານຂອງ ໜັງສືພິມວຽງຈັນທາມ ໃຫ້ຮູ້ວ່າ ທ່ານ ບຸນຍັງ ວໍລະຈິດ ໄດ້ກ່າວຍ້ອງຍໍຊົມເຊີຍເຖິງຄວາມສຳເລັດດັ່ງກ່າວ ເຊິ່ງສະແດງໃຫ້ເຫັນເຖິງຄວາມກ້າວໜ້າທາງເທັກໂນໂລຢີ ແລະ ນະວັດຕະກຳດ້ານວິທະຍາສາດການແພດຂອງຣັດເຊຍ.

ຣັດເຊຍເປັນປະເທດທຳອິດໃນໂລກທີ່ປະກາດຂຶ້ນທະບຽນວັກຊີນປ້ອງກັນໂຄວິດ-19 ເມື່ອວັນທີ 11 ສິງຫາ ທີ່ຜ່ານມາ.

ວັກຊີນນີ້ໄດ້ຮັບການຕັ້ງຊື່ວ່າ “Sputnik V” ເພື່ອເປັນການສະແດງຄວາມເຄົາລົບຕໍ່ດາວທຽມດວງທຳອິດຂອງໂລກ ເຊິ່ງເປີດໂຕໂດຍສະຫະພາບໂຊວຽດໃນປີ 2500.

ຕາມລາຍງານໃນ RT ປະທານາທິບໍດີວາລາດີເມຍ ປູຕິນ ລະບຸວ່າການຊັກວັກຊີນໃນຣັດເຊຍຈະດຳເນີນຕາມຄວາມສະໝັກໃຈເທົ່ານັ້ນ ໂດຍບໍ່ມີການບັງຄັບໃຜໃຫ້ຍອມຮັບການຊັກວັກຊີນ.

ປະທານປະເທດ ບຸນຍັງ ວໍລະຈິດ ກ່າວຂອບໃຈບຸກຄະລາກອນທາງການແພດ,​ ນັກວິທະຍາສາດ ແລະ ນັກວິໄຈດ້ານລະບາດວິທະຍາ ສຳລັບຄວາມພະຍາຍາມ ແລະ ຄວາມຊ່ຽວຊານໃນການຄົ້ນຄິດວັກຊີນ ໂດຍສະເພາະຢ່າງຍິ່ງການສະໜັບສະໜູນຈາກລັດຖະບານຣັດເຊຍພາຍໃຕ້ການນຳຂອງປະທານາທິບໍດີ ວາລາດີເມຍ ປູຕິນ.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...