ສຳນັກຂ່າວສານປະເທດລາວ ລາຍງານວ່າ ໃນລະຫວາງວັນທີ 2-3 ສິງຫາ 2020 ຜ່ານມາ ນີ້ໄດ້ເກີດມີພາຍຸຟ້າຝົນລົມແຮງພັດເຂົ້າ ແຂວງໄຊຍະບູລີ ເຮັດໃຫ້ເກີດມີໄພນໍ້າຖ້ວມ ຢູ່ 10 ບ້ານ ທີ່ລຽບຕາມແຄມນໍ້າຮຸ່ງ ໃນເທສະບານ ແຂວງໄຊຍະບູລີ ຄື: ບ້ານໂຮມໄຊ, ບ້ານ ປົ່ງ, ບ້ານນາຍາວ, ບ້ານນາໄຮ, ບ້ານສີເມືອງ, ບ້ານຖີ່ນ, ບ້ານບຸ່ງ, ບ້ານໜອງແຊງ, ບ້ານນາຕໍໃຫຍ່ ແລະ ບ້ານນາຊໍ່າ.

ຜົນເສຍຫາຍທາງອຸປະກອນໄຟຟ້າ ເປັນຕົ້ນແມ່ນ ໝໍ້ນັບໄຟໄໝ້ 7 ໜ່ວຍ, ກົງເຕີ້ຖືກນ້ຳຖ້ວມ 30 ໜ່ວຍ, ເສົາໄຟຟ້າລົ້ມ 1 ຕົ້ນ. ດ້ວຍສະພາບດັ່ງກ່າວ ຄະນະສາຂາ ແຂວງໄຊຍະບູລີ ໄດ້ຮີບຮ້ອນໃຈມອບແຜນວຽກໃຫ້ 3 ພະແນກການ ທີ່ກ່ຽວຂ້ອງຄື: ພະແນກເຕັກນິກ, ພະແນກຕາຂ່າຍ-ເດປານາ, ພະແນກໝໍ້ນັບໄຟ ນໍາພາອ້າຍນ້ອງ ພະນັກງານ-ກໍາມະກອນ ລົງແກ້ໄຂຢ່າງເລັ່ງດ່ວນ ໂດຍການເກັບກູ້ ແລະ ຍ້າຍກົງເຕີໄຟຟ້າຂື້ນໄວ້ທີ່ສູງ ພ້ອມທັງຕັດໄຟຟ້າ ອອກຈາກບາງຈຸດ ທີ່ມີຄວາມສ່ຽງ ຈາກນໍ້າຖ້ວມອອກເພື່ອຄວາມປອດໄຟ.

ຮຽບຮຽງຂ່າວ: ພຸດສະດີ