ເວັບໄຊ sanook ທ່ານ ໂດນັລ ທຣໍ້າ ເປີດເຜີຍວ່າ ລັດຖະບານອາເມລິກາຈະຫ້າມແອັບພຣິເຄຊັ່ນ TikTok ໃຫ້ບໍລິການໃນປະເທດ ຍົກເວັ້ນແຕ່ວ່າຈະຂາຍໃຫ້ບໍລິສັດສັນຊາດອາເມລິກາພາຍໃນວັນທີ 15 ກັນຍານີ້.
ກ່ອນໜ້ານີ້, ຄົນໃນລັດຖະບານໃນຊຸດປັດຈຸບັນບາງຄົນ ລວມເຖິງສະມາຊິກສະພາແຫ່ງຊາດບາງຄົນ ຕ່າງກໍ່ກັງວົນວ່າ TikTok ອາດເປນໄພຕໍ່ຄວາມໝັ້ນຄົງຂອງປະເທດ ເພາະຜູ້ໃຫ້ບໍລິການຄື ບໍລິສັດ ໄບແດນຊ໌ ຈຳກັດ ມີສຳນັກງານໃຫຍ່ຢູ່ນະຄອນຫຼວງປັກກິ່ງປະເທດຈີນ.
ໃນຂະນະດຽວກັນກໍ່ມີລາຍງານວ່າ TikTok ກໍ່ກຳລັງສະເໜີຂາຍທຸລະກິດໃນອາເມລິກາໃຫ້ກັບບໍລິສັດສັນຊາດອາເມລິກາເຊັ່ນດຽວກັນ ເພາະລັດຖະບານອາເມລິກາກົດດັນເລື່ອງນີ້ເພີ່ມຂຶ້ນເລື່ອຍໆ ເຊິ່ງທາງໄມໂຄຣຊອຟລະບຸເມື່ອວັນທີ 2 ສິງຫາທີ່ຜ່ານມາວ່າ ສົນໃຈ ແລະ ຕ້ອງການປິດສັນຍາການຂາຍບໍ່ໃຫ້ເກີນວັນທີ 15 ກັນຍານີ້.
ນອກຈາກນີ້, ທ່ານ ທຣໍ້າຍັງກ່າວວ່າ “ຕົນເອງຄາດວ່າທາງບໍລິສັດ ໄບແດນ ຈະຈ່າຍເງິນສ່ວນແບ່ງລາຍຮັບຈາກການຂາຍທຸລະກິດໃຫ້ກັບກະຊວງການເງິນຂອງອາເມລິກາ ເຊິ່ງອາດຈະເປັນການຈ່າຍໃນຮູບແບບພາສີທີ່ເກີດຈາກການຊື້ກິດຈະການ”.
ຮຽບຮຽງຂ່າວ: ພຸດສະດີ