spot_img
Homeຂ່າວທ້ອງຖິ່ນ(ມຊ) ມີແຜນຮັບນັກສຶກສາປະຈຳສົກຮຽນ 2020-2021 ທັງໝົດ 8.000 ຄົນ

(ມຊ) ມີແຜນຮັບນັກສຶກສາປະຈຳສົກຮຽນ 2020-2021 ທັງໝົດ 8.000 ຄົນ

Published on

ໜັງສືພິມວຽງຈັນທາມ ລາຍງານວ່າ ມະຫາວິທະຍາໄລແຫ່ງຊາດ (ມຊ) ມີແຜນຮັບນັກສຶກສາປະຈຳສົກຮຽນ 2020-2021 ທັງໝົດ 8.000 ຄົນ, ເຊິ່ງການສອບເສັງຄັດເລືອກເອົານັກສຶກສາເຂົ້າຮຽນ ຈະໄດ້ຈັດຂຶ້ນໃນວັນທີ 29 ສິງຫານີ້ ທີ່ ມຊ, ສໍາລັບວິຊາສອບເສັງ ປະກອບມີ: ວິຊາຄະນິດສາດ, ຟີຊິກສາດ, ເຄມີສາດ, ຊິວະສາດ, ພູມສາດ, ປະຫວັດສາດ ແລະ ພາສາລາວ-ວັນນະຄະດີ.

ປະຈຸບັນ, ມຊ ໄດ້ກະກຽມຄວາມພ້ອມ ທາງດ້ານບຸກຄະລາກອນ, ດ້ານສະຖານທີ່ ແລະ ອື່ນໆ ເພື່ອຈັດຕັ້ງການສອບເສັງເອົານັກສຶກສາ,ໂດຍສະເພາະປີນີ້ ຍັງໄດ້ເພີ່ມມາດຕະການເຄັ່ງຄັດໃນການປ້ອງກັນການແຜ່ລະບາດຂອງພະຍາດໂຄວິດ-19 ເຊັ່ນ: ກະກຽມຜ້າອັດປາກ, ເຈວ-ສະບູ-ເຫຼົ້າ ລ້າງມື, ອຸປະກອນກວດສອບວັດແທກອຸນຫະພູມ ແລະ ເວັ້ນໄລຍະຫ່າງ 1 ແມັດເປັນສຳຄັນ ແລະ ລະບຽບການຕ່າງໆ ເພື່ອຮັບປະກັນການສອບເສັງ.

ທ່ານ ຄຳຜົງ ນາມມະວົງມີໄຊ ຮອງອະທິການບໍດີ ມຊ ໃຫ້ຮູ້ວ່າ: ໃນສົກຮຽນ 2020-2021 ມຊ ມີແຜນຮັບນັກສຶກສາທັງໝົດ 8.000 ຄົນ ລວມທຸກລະບົບ (ທັງພາກປົກກະຕິ, ຕໍ່ເນື່ອງ ແລະ ອະນຸປະລິນຍາ), ແຕ່ເນຶ່ອງຈາກການແຜ່ລະບາດຂອງພະຍາດໂຄວິດ- 19 ທີ່ມີຜົນກະທົບຕໍ່ລູກຫຼານທີ່ຈົບການສຶກສາສາຍສາມັນໃນປີນີ້ ພາດໂອກາດທີ່ຈະໄປສຶກສາຕໍ່ຢູ່ຕ່າງປະເທດ ເຊັ່ນ: ສສ ຫວຽດນາມ, ສປ ຈີນ. ດັ່ງນັ້ນ, ທາງລັດຖະບານ ກໍຄືການນຳຂອງກະຊວງສຶກສາທິການ ແລະ ກິລາ ໄດ້ມີທິດຊີ້ນຳຕື່ມວ່າ ໃຫ້ແຕ່ລະມະຫາວິທະຍາໄລ ຄົ້ນຄວ້າບັນດາສາຂາວິຊາທີ່ເປັນບຸລິມະສິດໃນການພັດທະນາເສດຖະກິດ-ສັງຄົມແຫ່ງຊາດ ດ້ວຍການເພີ່ມໂຕເລກແຜນຮັບນັກສຶກສາຕື່ມ ເຊັ່ນ: ຂະແໜງການກະເສດ, ປ່າໄມ້, ຊັບພະຍາກອນນ້ຳ, ສາຍທຳມະຊາດທີ່ເປັນພື້ນຖານໃຫ້ແກ່ການສຶກສາຂະແໜງການຕ່າງໆ ລວມທັງ ວິສະວະກຳສາດ, ແຕ່ຕ້ອງຮັບປະກັນຄວາມພ້ອມດ້ານອາຄານສະຖານທີ່ສຶກສາ, ຄູ-ອາຈານສິດສອນ.

ສຳລັບນັກສຶກສາທ່ານໃດທີ່ມີຄວາມສົນໃຈສາມາດເຂົ້າໄປລົງທະບຽນອອນລາຍ (Online) ນັບແຕ່ນີ້ເຖິງວັນທີ 26 ສິງຫາ 2020, entrance.nuol.edu.la ຫຼື ມາລົງທະບຽນດ້ວຍຕົນເອງໄດ້ທີ່ສະໂມສອນໃຫຍ່ ມຊ, ຫ້ອງການວິຊາການ ໂທ ແລະ ແຟັກ: 021 771 860.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...