ແມງມຸມຝັງຕົວໃຕ້ຜິວໜັງນັກທ່ອງທ່ຽວຊາວອົດສະຕາລີກ່ວາ 2 ມື້ ຂຸດຜົ້ງໃນຊັ້ນຜິວໜັງເປັນທາງຍາວຈົນເກີດອາການ
ອັກເສບ ແລະ ໂພງຂຶ້ນ.
ສຳນັກຂ່າວຕ່າງປະເທດລາຍງານ ໃນວັນທີ 17 ຕຸລານີ້ວ່າ ທ້າວ ດີແລນ ໂທມັສ ໜຸ່ມຊາວອົດສະຕາລີ ອາຍຸ 21 ປີ ໄດ້ໄປພັກ
ຜ່ອນຢູ່ເທິງເກາະບາຫລີ ປະເທດອິນໂດເນເຊຍກັບໝູ່ຂອງລາວ ໃນໄລຍະອາທິດທີ່ຜ່ານມາ ພາຍຫລັງຕື່ນຂຶ້ນມາໃນຕອນ
ເຊົ້າ ເຂົາເອງໄດ້ພົບວ່າ ໜ້າທ້ອງຂອງເຂົາມີຮອຍແດງອັກເສບເປັນທາງຍາວ ແລະ ຄ່ອຍໆຄືບຂະຫຍາຍເປັນແນວຍາວ
ອອກໄປເລື້ອຍໆ ຕັ້ງແຕ່ສາຍບືຈົນມາເຖິງກາງເອິກ ເຮັດໃຫ້ເຂົາຕັດສິນໃຈໄປພົບແພດທີ່ໂຮງໝໍເທິງເກາະບາຫລີ ໃນວັນ
ທີ 12 ຕຸລາ 2014 ທີ່ຜ່ານມາ ເຊິ່ງໄດ້ຮັບການບົ່ງມະຕິວ່າ ເປັນພຽງແຜທີ່ເກີດຈາກການຖືກແມງມູມກັດເທົ່ານັ້ນ ໂດຍໄດ້
ຮັບແກ້ແພ້ຄືນມາທາ.
ແຕ່ໃນຕອນເຊົ້າຂອງມື້ຕໍ່ມາອີກ ອາການອັກເສບກໍຍັງປົກກະຕິ ພ້ອມກັບມີຕຸ່ມໃສໆໂພງຂຶ້ນມາຕາມແນວຮອຍແດງ
ເຮັດໃຫ້ ທ້າວ ດີແລນ ໄປຫາໝໍອີກເທື່ອໜຶ່ງ ເຊິ່ງເທື່ອນີ້ຈິ່ງໄດ້ຮັບການກວດຢ່າງລະອຽດຈົນພົບກັບສາເຫດທີ່ຕົກຕະລຶງ
ເພາະຜິວທີ່ແດງໂພງຂຶ້ນເປັນທາງຍາວດັ່ງກ່າວນີ້ ແມ່ນເກີດຈາກມີແມງມຸມໂຕນ້ອຍໆ ຂະໜາດເທົ່າກັບຫົວໄມ້ຂີດໄຟ
ຝັງຕົວຢູ່ໃນຜິວໜັງ ແລະ ມັນໄດ້ຂຸດຜົ້ງໄປເລື້ອຍໆຈົນເກີດເປັນທາງຍາວຢ່າງທີ່ເຫັນ, ຢ່າງໃດກໍຕາມ ແພດໄດ້ຄີບເອົາ
ໂຕແມງມຸມດັ່ງກ່າວອອກມາໄດ້ຢ່າງປອດໄພ.
