spot_img
Homeຂ່າວຕ່າງປະເທດນັກວິໄຈພົບຜູ້ປ່ວຍຕິດເຊື້ອໂຄວິດ-19 ບາງຄົນມີໄວຣັດປົນເປື້ອນໃນນໍ້າອະສຸຈິ

ນັກວິໄຈພົບຜູ້ປ່ວຍຕິດເຊື້ອໂຄວິດ-19 ບາງຄົນມີໄວຣັດປົນເປື້ອນໃນນໍ້າອະສຸຈິ

Published on

ເວັບໄຊຂ່າວ BBC ໄທ ລາຍງານວ່າ ທີມນັກວິໄຈຊາວຈີນໄດ້ເຮັດການກວດສອບສະເປີມ ຫຼື ອະສຸຈິຂອງຜູ້ປ່ວຍໂຄວິດ-19 ເພດຊາຍ ແລ້ວພົບວ່ານໍ້າອະສຸຈິຂອງຜູ້ປ່ວຍບາງຄົນໃນກຸ່ມນີ້ມີສານພັນທຸກຳ RNA ຂອງໄວຣັດໂຄໂຣນາສາຍພັນໃໝ່ປະປົນຢູ່ ເຊິ່ງສະແດງໃຫ້ເຫັນວ່າ ເຊື້ອໄວຣັດດັ່ງກ່າວສາມາດເຂົ້າສູ່ອະໄວຍະວະສືບພັນຢ່າງອັນທະໄດ້ ເຮັດໃຫ້ມີຄວາມສ່ຽງທີໂຣກໂຄວິດ-19 ອາດຈະຕິດຕໍ່ກັນທາງເພດສຳພັນໄດ້.

ອີງຕາມການລາຍງານຜົນການຄົ້ນຄວ້າດັ່ງກ່າວໃນວາລະສານ JAMA Network Open ຂອງສະມາຄົມການແພດອາເມລິກາ ໂດຍທີມນັກວິໄຈຈາກໂຮງໝໍປະຈຳເຂດເທດສະບານຊາງຊິວໃນມົນທົນ ເຫີໜານ ຂອງຈີນພົບວ່າ ຜູ້ປ່ວຍຊາຍຈຳນວນ 6 ຄົນ ຈາກຈຳນວນທັງໝົດ 38 ຄົນ ທີ່ເຂົ້າຮັກສາຕົວໃນໂຮງໝໍ ມີຜົນກວດຫາເຊື້ອໄວຣັດ (SARS-CoV-2) ໃນນໍ້າອະສຸຈິເປັນບວກ.

ເຖິງແມ່ນວ່າຈະເປັນການກວດພົບເຊື້ອໃນນໍ້າອະສຸຈິພຽງແຕ່ 6 ຄົນ ແຕ່ທີມນັກວິໄຈກ່າວວ່ານີ້ເປັນເລື່ອງທີ່ຄວນໃຫ້ຄວາມສົນໃຈຕິດຕາມສຶກສາເພີ່ມເຕີມຕໍ່ໄປ ເພື່ອໃຫ້ໄດ້ຄຳຕອບທີ່ຊັດເຈນວ່າໄວຣັດໂຄວິດ-19 ນີ້ ສາມາດຕິດຕໍ່ທາງເພດສຳພັນໄດ້ແທ້ ຫຼື ບໍ່ ແລະ ຈະມີຜົນໄລຍະຍາວຕໍ່ການຈະເລີນພັນຂອງຜູ້ຊາຍຄືແນວໃດ ເນື່ອງຈາກໄດ້ມີການກວດພົບເຊື້ອໄວຣັດນີ້ໃນອະສຸຈິຂອງຜູ້ປ່ວຍຕິດເຊື້ອທີ່ຍັງຢູ່ໃນໄລຍະຟື້ນຕົວ.

 

ຮຽບຮຽງຂ່າວ: ພຸດສະດີ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...