Homeຂ່າວຕ່າງປະເທດສິງກະໂປນຳໃຊ້ຫຸ່ນຍົນໝາແຈ້ງຕົວຜູ້ຄົນໃນສວນສາທາລະນະເວັ້ນໄລຍະຫ່າງ

ສິງກະໂປນຳໃຊ້ຫຸ່ນຍົນໝາແຈ້ງຕົວຜູ້ຄົນໃນສວນສາທາລະນະເວັ້ນໄລຍະຫ່າງ

Published on

ສຳນັກຂ່າວຕ່າງປະເທດລາຍງານວ່າ ລັດຖະບານສິງກະໂປ ໄດ້ນຳຫຸ່ນຍົນໝາ ທີ່ມີຊື່ວ່າ ສະປັອດ ເຊິ່ງພັດທະນາໂດຍ ບໍລິສັດ ບອສຕັນ ໃດນາມິກສ໌ ໃນອາເມລິກາມາໃຊ້ໃນການແຈ້ງເຕືອນປະຊາຊົນໃຫ້ເວັ້ນໄລຍະຫ່າງລະຫວ່າງກັນໃນສວນສາທາລະນະ.

ລັດຖະບານສິງກະໂປໄດ້ເລີ່ມໃຊ້ຫຸ່ນຍົນໂຕນີ້ເມື່ອວັນທີ 8 ພຶດສະພາ ທີ່ຜ່ານມາ ໂດຍໜ້າທີ່ຂອງມັນແມ່ນຢ່າງກວດກາໃນຊ່ວງເວລາທີ່ມີຜູ້ໃຊ້ບໍລິການສວນສາທາລະນະໜາແໜ້ນ ເປັນໄລຍະທາງກວ່າ 3 ກິໂລແມັດພ້ອມກັບແຈ້ງເຕືອນດ້ວຍຄຳເວົ້າທີ່ບັນທຶກໄດ້ໃຫ້ປະຊາຊົນເວັ້ນໄລຍະຫ່າງກັນ.

ນອກຈາກນີ້, ກ້ອງທີ່ຕິດຢູ່ຫຼັງຂອງມັນຈະຄອຍນັບຈຳນວນປະຊາຊົນທີ່ຢູ່ບໍລິເວນສວນສາທາລະນະໃນຂະນະນັ້ນອີກດ້ວຍ, ເຊິ່ງລັດຖະບານສິງກະໂປຢືນຢັນວ່າ ກ້ອງດັ່ງກ່າວບໍ່ໄດ້ມີການບັນທຶກພາບຂອງບຸກຄົນ ແລະ ບໍ່ມີການເກັບຂໍ້ມູນກ່ຽວກັບປະຊາຊົນເປັນລາຍບຸກຄົນແຕ່ຢ່າງໃດ.

ດ້ານກະຊວງສາທາລະນະສຸກສິງກະໂປລາຍງານວ່າ ມີຜູ້ຕິດເຊື້ອໂຄວິດ-19 ລາຍໃໝ່ຈຳນວນ 876 ຄົນໃນຮອບ 24 ຊົ່ວໂມງທີ່ຜ່ານມາ ສົ່ງຜົນໃຫ້ປັດຈຸບັນ, ສິງກະໂປມີຈຳນວນຜູ້ຕິດເຊື້ອສະສົມທີ່ 23,336 ຄົນ.

 

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: posttoday

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...