spot_img
Homeຂ່າວການພັດທະນາUSAID ຊ່ວຍເຫຼືອພັດທະນາໂຄງລ່າງພື້ນຖານທີ່ທັນສະໄໝ

USAID ຊ່ວຍເຫຼືອພັດທະນາໂຄງລ່າງພື້ນຖານທີ່ທັນສະໄໝ

Published on

USA

 

ໃນວັນທີ 14 ຕຸລານີ້, ຢູ່ນະຄອນຫລວງວຽງຈັນ, ທ່ານ ດຣ ນາງ ສູນທອນ ໄຊຍະຈັກ ລັດຖະມົນຕີຊ່ວຍວ່າການກະຊວງ

ການຕ່າງປະເທດລາວ ແລະ ທ່ານ ໂທມາສ ເອ ແຊນນັນ ທີ່ປຶກສາພິເສດຂອງລັດຖະມົນຕີຕ່າງປະເທດ ສ.ອາເມລິກາ,

ໄດ້ ຮ່ວມກັນລົງນາມມອບ-ຮັບ ໂຄງການພັດທະນາໂຄງລ່າງພື້ນຖານທັນສະໄໝ ຈຳນວນ 3 ໂຄງ ການ, ລວມມູນຄ່າ

1,7 ລ້ານ ກວ່າໂດລາສະຫະລັດ, ໃນນັ້ນ ຂອງກະຊວງພະລັງງານ ແລະ ບໍ່ແຮ່ມີໂຄງການຄວາມປອດໄພຂອງເຂື່ອນ ແລະ

ການຄວບຄຸມ ອຸທົກກະໄພທີ່ກ່ຽວພັນກັບການບໍລິຫານຈັດການ ແລະ ດຳເນີນການຜະລິດຂອງເຂື່ອນໄຟຟ້າມີ ມູນຄ່າ

526 ພັນໂດລາສະຫະລັດ, ໂຄງການລະບາຍຕະກອນອອກຈາກເຂື່ອນມູນຄ່າ 499 ພັນໂດ ລາສະຫະລັດ, ສ່ວນກະຊວງ

ກະສິກຳ- ປ່າໄມ້ແມ່ນ ໂຄງການສ້າງປຶ້ມຄູ່ມືເຕັກນິກເຂື່ອນໄຟຟ້າແບບຢືນຍົງເປັນມິດກັບປາມູນຄ່າ 750 ພັນໂດລາ

ສະຫະລັດ, ເຊິ່ງແມ່ນລັດຖະບານສະຫະລັດອາເມລິກາ ກໍຄືອົງການເພື່ອການຊ່ວຍເຫລືອຂອງສະຫະລັດອາເມລິກາເປັນ

ຜູ້ໃຫ້ທຶນ, ເຊິ່ງຈະຊ່ວຍຊຸກຍູ້ການພັດທະນາພື້ນຖານໂຄງລ່າງຂອງລາວ ໂດຍສະເພາະການພັດທະນາເຂື່ອນໄຟຟ້າ ແລະ

ການຄຸ້ມຄອງການຜະລິດ ໂດຍຄຳນຶງເຖິງຄວາມປອດໄພ, ການຄວບຄຸມອຸທົກກະໄພທີ່ກ່ຽວພັນກັບເຂື່ອນ ແລະ ເຕັກ

ນິກເຂື່ອນໄຟຟ້າທີ່ເປັນມິດກັບປາ ໂດຍການນຳໃຊ້ເຕັກນິກວິຊາການທີ່ທັນສະໄໝຂອງ ສ.ອາ ເມລິກາເຂົ້າໃນການພັດ

ທະນາໃນວຽກງານດັ່ງກ່າວຢູ່ລາວ ໃຫ້ມີຄວາມຍືນຍົງ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...