ກະຊວງ ອຸດສາຫະກໍາ ແລະ ການຄ້າ ໄດ້ປະກາດ ປັບລາຄານໍ້າມັນເຊື້ອໄຟລົງ 400 ກີບ ທຸກຊະນິດ ເຮັດໃຫ້ນໍ້າມັນແອັດຊັງທຳມະດາຢູ່ນະຄອນຫຼວງວຽງຈັນລົງມາຢູ່ທີ່ 7.680 ກີບ/ລິດ ແລະ ກາຊວນລົງມາຢູ່ທີ່ 7.040 ກີບ/ລິດ. ເຊິ່ງລາຄາໃໝ່ຄັ້ງນີ້ ແມ່ນເລີ່ມປະຕິບັດໃນວັນທີ 24 ເມສາ 2020  ເລລາ 06:00 ໂມງ ໃນຂອບເຂດທົ່ວປະເທດ.

ການປັບລາຄາຄັ້ງນີ້ ແມ່ນໄດ້ເພີ່ມຄັງແຮ 500 ກີບ ທຸກຊະນິດ ແລະ ປັບລົງລາຄານໍ້າມັນເຊື້ອໄຟ 400 ກີບ ທຸກຊະນິດ ການຄິດໄລ່ເສຍພັນທະ ແລະ ຄ່າທໍານຽມຕ່າງໆ ແມ່ນໃຫ້ພາກສ່ວນກ່ຽວຂ້ອງ ຄິດໄລ່ຕາມທີ່ໄດ້ກໍານົດໄວ້ ໃນໂຄງສ້າງລາຄານໍ້າມັນເຊື້ອໄຟ ສະບັບເລກທີ 0301, ລົງວັນທີ 23 ເມສາ 2020 ຈົນກວ່າຈະມີການປ່ຽນແປງ.

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: ກະຊວງອຸດສາຫະກໍາ ແລະ ການຄ້າ