ສຳນັກຂ່າວຕ່າງປະເທດລາຍງານວ່າ ເມື່ອວັນທີ 14 ຕຸລາຜ່ານມານີ້ ມີຊາຍໂຊກດີຜູ້ໜຶ່ງ ຖືກລາງວັນຫວຍມູນຄ່າສູງເຖິງ
525 ລ້ານຢວນ ຫລື ຫລາຍກ່ວາ 675 ຕື້ກີບ ເຊິ່ງເປັນລາງວັນທີ່ມີມູນຄ່າສູງທີ່ສຸດ ເປັນອັນດັບທີ 3 ຂອງປະຫວັດສາດຫວຍ
ຈີນ.
ໂດຍຊາຍຄົນດັ່ງກ່າວນັ້ນ ໄດ້ຊື້ຫວຍມາເມື່ອວັນທີ 4 ຕຸລາຜ່ານມາ ຈາກເມືອງໄທ່ຢວນ ແຂວງຊານຊີ ເຊິ່ງເປັນເມືອງທາງ
ຕອນເໜືອຂອງປະເທດຈີນ ເຊິ່ງປະເດັນທີ່ໄດ້ສ້າງຄວາມຮືຮາບໍ່ແພ້ກັບຄວາມເຮັງຂອງລາວກໍຄື ຊາຍຄົນດັ່ງກ່າວໄດ້ມາ
ຮັບເອົາເງິນລາງວັນ ໂດຍໃສ່ຊຸດກາຕູນທີ່ມີຊື່ວ່າ ບູນີ ແບຣ໌ສ (Boonie Bears) ເຊິ່ງເປັນກາຕູນທີ່ອອກອາກາດທາງຊ່ອງ
ໂທລະພາບ CCTV ຂອງຈີນ ເພື່ອປິດບັງໃບໜ້າຂອງຕົວເອງ.
ທັງນີ້ ໜຸ່ມ ບູນີ ແບຣ໌ສ ຍັງເປີດເຜີຍອີກດ້ວຍວ່າ ຈະນຳເອົາເງິນລາງວັນ 12 ລ້ານຢວນ ຫລື ປະມານ 15,7 ຕື້ກີບ ໄປບໍລິ
ຈາກເພື່ອການກຸສົນໃຫ້ກັບອົງການປົກຄອງທ້ອງຖິ່ນ ໂດຍສ່ວນໜຶ່ງນັ້ນເຂົາຈະນຳເອົາໄປຊ່ວຍເຫລືອຜູ້ປະສົບໄພແຜ່ນ
ດິນໄຫວໃນເມືອງຈິງກູ ຂອງແຂວງຢູນນານອີກດ້ວຍ.