ສຳນັກຂ່າວ Channel News Asia (CNA) ລາຍງານວ່າ ນາຍົກລັດຖະມົນຕີ ຂອງລັດ ຄອນເນັກຕິກັດ (Connecticut) ໄດ້ອອກມາເປີດເຜີຍ ໃນວັນທີ 1 ເມສາ ທີ່ຜ່ານມາວ່າ ມີຜູ້ເສຍຊີວິດຈາກພະຍາດໄວຣັສໂຄວິດ-19 ເປັນແອນ້ອຍອາຍຸ 6 ອາທິດ ຖືເປັນໜຶ່ງໃນກໍລະນີເສຍຊີວິດທີ່ອາຍຸນ້ອຍທີ່ສຸດໃນປະເທດ.
ທ່ານ Ned Lamont ຜູ້ເປັນນາຍົກຂອງລັດ ໄດ້ເລົ່າເລື່ອງລາວນີ້ຜ່ານຂໍ້ຄວາມໃນເວັບໄຊ້ ທະວິດເຕີ (Twitter) ວ່າ ມີແອນ້ອຍຖືກນຳສົ່ງໂຮງໝໍໃນພາວະທີ່ບໍ່ມີການຕອບສະໜອງ ແລະ ບໍ່ສາມາດຊ່ວຍໃຫ້ຟື້ນຄືນໄດ້, ມື້ຄືນ ຜົນກວດພະຍາດໂຄວິດ-19 ກໍ່ອອກມາເປັນບວກ, ກໍລະນີນີ້ຖືເປັນກໍລະນີທີ່ເສົ້າສະຫຼົດໃຈທີ່ສຸດ ເຊື່ອວ່າເປັນກໍລະນີເສຍຊີວິດຈາກການຕິດເຊື້ອໂຄວິດ-19 ທີ່ອາຍຸນ້ອຍທີ່ສຸດໃນທຸກແຫ່ງຫົນ. ອາທິດທີ່ແລ້ວ ລັດ ອີລິນອຍກໍ່ມີລາຍງານວ່າມີກໍລະນີຜູ້ເສຍຊີວິດຈາກໄວຣັສນີ້ ເປັນເດັກແອນ້ອຍອາຍຸ 9 ເດືອນ.
ຫຼ້າສຸດໃນສະຫະລັດອາເມລິກາ ມີກໍລະນີເສຍຊີວິດຈາກພະຍາດໄວຣັສໂຄວິດ-19 ເປັນຈໍານວນຢ່າງໜ້ອຍ 4,476 ກໍລະນີ.
ຮຽບຮຽງໂດຍ: ວະນິດາ