spot_img
Homeຂ່າວຕ່າງປະເທດຄົ້ນພົບຄົນເລືອດກຣຸ໊ບ A ສ່ຽງຕໍ່ການຕິດເຊື້ອ Covid-19 ຫຼາຍທີ່ສຸດ

ຄົ້ນພົບຄົນເລືອດກຣຸ໊ບ A ສ່ຽງຕໍ່ການຕິດເຊື້ອ Covid-19 ຫຼາຍທີ່ສຸດ

Published on

ເວັບໄຊຂ່າວ ໄຊນາມໍນິງ ໄດ້ເປີດເຜີຍຜົນງານການວິໄຈ ເມື່ອວັນທີ 17 ມີນາ 2020 ກ່ຽວກັບຂໍ້ມູນຜົນການສຶກສາທີ່ອູ່ຮັ່ນ ແລະ ເຊິນເຈິ້ນ ພົບວ່າ ກຸ່ມຜູ້ປ່ວຍກັບກຣຸ໊ບເລືອດມີຄວາມສຳພັນໃນການສ່ຽງຕິດເຊື້ອ ຫຼື ມີແນວໂນ້ມທີ່ຈະມີອາການຮຸນແຮງຂຶ້ນ ໂດຍທີ່ຄົນເລືອດກຣຸ໊ບ O ມີຄວາມສ່ຽງຕໍ່ການຕິດເຊື້ອຄ່ອນຂ້າງຕໍ່າ ເມື່ອທຽບກັບຄົນເລືອດກຣຸ໊ບອື່ນໆ.

ນັກວິໄຈດ້ານການແພດຈາກປະເທດຈີນ ໄດ້ເຜີຍແພ່ຜົນງານວິໄຈເບື້ອງຕົ້ນຂອງຕົນ ລົງເວັບໄຊ Medrxiv.org ໃນວັນທີ 11 ມີນາ 2020 ທີ່ຜ່ານມາ ໂດຍງານວິໄຈດັ່ງກ່າວໄດ້ນຳເອົາຕົວຢ່າງເລືອດຂອງຜູ້ປ່ວຍທີ່ຕິດເຊື້ອ ໂຄວິດ-19 ໃນເມືອງ ອູ່ຮັ່ນ ແລະ ເຊິນເຈິ້ນ ຫຼາຍກວ່າ 2,000 ຕົວຢ່າງ ໄປປຽບທຽບກັບຕົວຢ່າງເລືອດຂອງຄົນໃນ 2 ເມືອງດັ່ງກ່າວທີ່ບໍ່ໄດ້ຕິດເຊື້ອ ໂຄວິດ-19.

ງານວິໄຈດັ່ງກ່າວ ຄົ້ນພົບໃນເບື້ອງຕົ້ນວ່າ ຄົນທີ່ມີເລືອດກຣຸ໊ບ A ມີໂອກາດຕິດເຊື້ອ ໂຄວິດ-19 ຫຼາຍກວ່າຄົນກຣຸ໊ບເລືອດອື່ນ ລວມເຖິງເມື່ອຕິດເຊື້ອ ໂຄວິດ-19 ແລ້ວ, ຄົນເຈັບທີ່ມີເລືອດກຸບ A ຍັງມີຄວາມສ່ຽງທີ່ຈະເຈັບປ່ວຍຫຼາຍກວ່າຄົນເຈັບທີ່ມີກຸບເລືອດອື່ນ.

ທ່ານ ຫວັງ ຊິງຫວນ (Wang Xinghuan) ຫົວໜ້ານັກວິໄຈ ຂອງຜົນງານວິໄຈດັ່ງກ່າວນີ້ ໄດ້ກ່າວວ່າ ຄົນເຈັບທີ່ຕິດເຊື້ອ ໂຄວິດ-19 ແລະ ມີເລືອດກຣຸ໊ບ A ອາດຈະຕ້ອງການ ການເບິ່ງແຍງຢ່າງໃກ້ຊິດ ແລະ ການຮັກສາທີ່ເອົາໃຈໃສ່ກວ່າຄົນອື່ນໆ.

ຈາກຜູ້ປ່ວຍໂຄວິດ-19 ທັງໝົດ 206ຄົນທີ່ເສຍຊີວິດໃນເມືອງອູ໋ຮັ່ນນັ້ນ 85ຄົນ ເປັນຄົນເລືອດກຣຸ໊ບ A ເຊິ່ງຄິດໄລ່ເປັນ 63% ເມື່ອທຽບກັບຜູ້ປ່ວຍເລືອດກຣຸ໊ບ O ທີ່ມີພຽງ 52ຄົນ ທີ່ກະຈາຍຢູ່ໃນກຸ່ມຜູ້ປ່ວຍທີ່ມີເພດ ແລະ ອາຍຸທີ່ແຕກຕ່າງກັນ.

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: South China Morning Post

ບົດຄວາມຫຼ້າສຸດ

ສະມາຄົມນັກຂ່າວແຫ່ງ ສປປ ລາວ ຕ້ອນຮັບຄະນະນັກຂ່າວນັກໜັງສືພິມແຫ່ງປະເທດໄທ

ຕ້ອນຮັບຄະນະຜູ້ແທນນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ ເຄື່ອນໄຫວເຮັດວຽກຢູ່ລາວ. ໃນຕອນເຊົ້າຂອງວັນທີ 4 ທັນວາ 2025, ສຳນັກຂ່າວອອນລາຍລາວໂພສກໍຄືໃນນາມສະມາຄົມນັກຂ່າວແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນຈາກ ສະມາຄົມນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ...

ບໍ່ສະໜັບສະໜູນ ການນນຳເຂົ້າສິລະປິນຕ່າງປະເທດ ເພື່ອມາຈັດຄອນເສີດ ໃນນະຄອນຫຼວງວຽງຈັນ ເພື່ອຮັກສາ ແລະ ສົ່ງເສີມສິລະປະວັດທະນະທໍາຂອງຊາດ

ອີງຕາມ ແຈ້ງການແນະນໍາ ຂອງພະແນກ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນສະບັບເລກທີ 1613/ວທ.ນວ ລົງວັນທີ 21 ພະຈິກ ປີ 2025 ມີດັ່ງນີ້

ປັບໄໝ 3,000,000 ກີບ/ຄັ້ງ ຖ້າບຸກຄົນໃດໂພສຂາຍສິນຄ້າອອນລາຍ ໂດຍບໍ່ແຈ້ງລົງທະບຽນທາງການຄ້າ ແມ່ນຈະຖືກປັບໄໝ ພ້ອມການກ່າວເຕືອນ, ສຶກສາອົບຮົມ ແລະ ເຮັດບົດບັນທຶກ

ຂໍ້ຕົກລົງ ວ່າດ້ວຍການປັບໃໝ ແລະ ການນໍາໃຊ້ມາດຕະການອື່ນ ຕໍ່ຜູ້ລະເມີດ ດຳລັດ ແລະ ລະບຽບການ ກ່ຽວກັບການຄ້າທາງເອເລັກໂຕຣນິກ ເລກທີ 2828/ອຄ ວັນທີ 11 ພະຈິກ...

ກະກຽມຄວາມພ້ອມເກືອບ 100% ບຸນນະມັດສະການພະທາດອີງຮັງ ແຂວງສະຫວັນນະເຂດ ທີ່ຈະຈັດຂຶ້ນໃນ 30 ພະຈິກ – 05 ທັນວາ 2025

ບຸນນະມັດສະການ ພະທາດອີງຮັງ ແຂວງສະຫວັນນະເຂດ ຈະຈັດຂຶ້ນໃນວັນທີ 30 ພະຈິກ 2025 ເພື່ອສົ່ງເສີມການທ່ອງທ່ຽວ ປັດຈຸບັນແມ່ນມີຄວາມພ້ອມເກືອບ 100% ແລ້ວ. ສຳລັບການຈັດງານປີນີ້ ຈະສ້າງໃຫ້ມີຫຼາຍກິດຈະກຳ ເພື່ອມີຄວາມມ່ວນຊື່ນ...