ສຳນັກຂ່າວຕ່າງປະເທດຫຼາຍສຳນັກລາຍງານເມື່ອວັນທີ 16 ມີນາ 2020 ວ່າ ປະຊາຊົນຊາວເນເທີແລນພາກັນໄປຕໍ່ແຖວຊື້ ກັນຊາ ໄວ້ເພື່ອກັກຕຸນ ຫຼັງຈາກລັດຖະບານປະກາດປິດຮ້ານອາຫານ, ສະຖານບັນເທີງທົ່ວປະເທດ ເພື່ອປ້ອງກັນການແຜ່ລະບາດຂອງໄວຣັສໂຄວິດ-19.
ສຳລັບສະຖານະການໂຄວິດ-19 ໃນເນເທີແລນຈາກຂໍ້ມູນເມື່ອວັນທີ 15 ມີນາທີ່ຜ່ານມາພົບວ່າມີຜູ້ຕິດເຊື້ອ 1,135 ຄົນ ແລະ ເສຍຊີວິດແລ້ວ 20 ຄົນ.
ເນເທີແລນຖືເປັນປະເທດອີກໜຶ່ງປະເທດໃນໂລກທີ່ກົດໝາຍອະນຸຍາດໃຫ້ເສບກັນຊາໄດ້ ແຕ່ໃນສະຖານະການປັດຈຸບັນກໍ່ເປັນອີກປະເທດທີ່ເກີດການລະບາດຂອງໄວຣັສໂຄວິດ-19 ເຮັດໃຫ້ລັດຖະບານຕ້ອງສັ່ງການເມື່ອວັນທີ 15 ມີນາ ທີ່ຜ່ານມາ ໃນເວລາ 18:00 ໂມງ ຕາມເວລາທ້ອງຖິ່ນ ແມ່ນຈະປິດຮ້ານອາຫານ, ສະຖານບັນເທິງ, ຮ້ານກາເຟ ທີ່ເປັນບ່ອນຂາຍກັນຊາທຸກແຫ່ງ ເຮັດໃຫ້ປະຊາຊົນທີ່ຊາບຂ່າວໄດ້ພາກັນມາຕໍ່ແຖວເພື່ອຊື້ກັນຊາໄປກັກຕຸນໄວ້.
ໂຈນາທານ ຊາຍຄົນໜຶ່ງທີ່ຕໍ່ແຖວຊື້ກັນຊາໄດ້ກ່າວວ່າ “ອີກສອງເດືອນຕໍ່ໜ້າເຮົາບໍ່ສາມາດຫາຊື້ກັນຊາໄດ້ ຢ່າງໜ້ອຍກໍ່ໜ້າຈະມີຕິດໄວ້ເຮືອນ”.
ຮຽບຮຽງຂ່າວ: ບຸດສະດີ