ເຈົ້າໜ້າທີ່ ປກສ ແຂວງອັດຕະປື ໃຫ້ຮູ້ວ່າ: ເມື່ອບໍ່ດົນມານີ້, ເຈົ້າໜ້າທີ່ຂອງຕົນ ສາມາດມ້າງຂະບວນການຄ້າຂາຍ
ຢາເສບຕິດຕົວອັນຕະລາຍໃນເຮືອນຫລັງໜຶ່ງ ຢູ່ບ້ານສາມັກຄີ, ເມືອງສາມັກຄີໄຊ, ສາມາດຈັບຜູ້ຕ້ອງຫາໄດ້ຄື:
ທ້າວ ຈັນ ອາຍຸ 37 ປີ ແລະ ນາງ ວຽງ ອາຍຸ 32 ປີ ທັງສອງເປັນຄູ່ຜົວເມຍກັນ ແລະ ເປັນເຈົ້າຂອງເຮືອນ ແລະ ທ້າວ
ໄຊພອນ ອາຍຸ 28 ປີຢູ່ບ້ານດ່ານດອນຈັນ,ເມືອງລະມາມ, ແຂວງເຊກອງ ເຊິ່ງເປັນລູກຄ້າທີ່ພວມຊື້ຢາບ້ານຳກັນຢູ່
ເຮືອນດັ່ງກ່າວ, ພ້ອມຂອງກາງຢາບ້າ 4 ພັນເມັດ, ເງິນສົດໜຶ່ງລ້ານກວ່າກີບ ແລະ ໂທລະສັບມືຖື 6 ໜ່ວຍ, ຈຶ່ງໄດ້
ຢຶດໄວ້ເປັນຫລັກຖານໃນການດຳເນີນຄະດີຕາມລະບຽບກົດໝາຍ.
ເຈົ້າໜ້າທີ່ໃຫ້ຮູ້ວ່າ: ພວກກ່ຽວແມ່ນຂະບວນການຄ້າຂາຍຢາເສບຕິດອັນຕະລາຍ ແລະ ເປັນເປົ້າໝາຍຕິດຕາມ
ຂອງເຈົ້າໜ້າທີ່ມາດົນນານສົມຄວນ, ແຕ່ເນື່ອງຈາກການຊື້-ຂາຍຂົນສົ່ງຢາເສບຕິດຂອງພວກກ່ຽວໃນໄລຍະຜ່ານ
ມາແມ່ນມີວິທີເລິກແລບແນບນຽນຈຶ່ງບໍ່ມີຫລັກຖານທີ່ຈະເອົາຜິດໄດ້, ຈົນໃນທີ່ສຸດເຈົ້າໜ້າທີ່ພວກເຮົາກໍສາມາດ
ຈັບຕົວຂະບວນການ ດັ່ງກ່າວມາດຳເນີນຄະດີໄດ້.
ແຫລ່ງຂ່າວ: ລາວພັດທະນາ