spot_img
Homeນານາສາລະອາການປວດທ້ອງປະຈຳເດືອນແບບໃດຄວນໄປພົບແພດ!

ອາການປວດທ້ອງປະຈຳເດືອນແບບໃດຄວນໄປພົບແພດ!

Published on

ການມີປະຈຳເດືອນແມ່ນເປັນເລື່ອງທຳມະຊາດຂອງແມ່ຍິງທີ່ເຂົ້າສູ່ໄວຈະເລີນພັນ ເມື່ອເລີ່ມມີປະຈຳເດືອນແມ່ຍິງສ່ວນໃຫຍ່ຈະມີອາການປວດທອງປະຈຳເດືອນ ບາງຄົນອາດຄິດວ່າອາການປວດນັ້ນເປັນເລື່ອງທຳມະດາທີ່ເກີດຂຶ້ນໃນລະຫວ່າງມີປະຈຳເດືອນ ແຕ່ທ່ານກໍບໍ່ຄວນຖືເບົາກັບອາການປວດປະຈຳເດືອນ ດັ່ງນັ້ນ ເຮົາມາຊອກຮູ້ໄປພ້ອມໆກັນເລີຍວ່າ ອາການປວດປະຈຳເດືອນແບບໃດທີ່ຄວນໄປພົບແພດໂດຍດ່ວນ.

ອາການປວດປະຈຳເດືອນທີ່ຜິດປົກກະຕິ ແລະ ຄວນໄປພົບແພດ

  • ມີອາການປວດປະຈຳເດືອນແຮງ ໂດຍຊ່ວງທີ່ປວດປະຈຳເດືອນທຳອິດອາດພໍທົນໄດ້ ແຕ່ຕໍ່ມາມັນຈະເພີ່ມຄວາມຮຸນແຮງຂຶ້ນ ເລື້ອຍໆ ແລະ ຈະຮູ້ສຶກປວດຮຸນແຮງໃນໄລຍະ 1-2 ມື້ຂອງການເລີ່ມມີປະຈຳເດືອນ
  • ປວດທ້ອງປະຈຳເດືອນຢ່າງຮຸນແຮງຈົນຕອງໄດ້ກິນຢາແກ້ປວດເກີນ 1 ຄັ້ງຕໍ່ມື້ ຫຼື ເຄີຍສັກຢາແກ້ປວດຫຼາຍກວ່າ 1 ຄັ້ງຕໍ່ມື້
  • ໃນຂະນະມີປະຈຳເດືອນຈະມີອາການປວດທ້ອງໜັກ
  • ປວດ ແລະ ເຈັບໃນເວລາກົດທີ່ບໍລິເວນທ້ອງນ້ອຍເບື້ອງໃດເບື້ອງໜຶ່ງ ແລະ ມັກມີອາການປວດປະຈຳເດືອນລາມລົງມາທີ່ຊ່ອງຄອດຂ້າງດຽວກັນ ຫຼື ປວດລາມໄປທີ່ຂາ
  • ປວດປະຈຳເດືອນຮຸນແຮງຮ່ວມກັບການມີເລືອດອອກເລັກນ້ອຍ ຫຼື ມີປະຈຳເດືອນມາຫຼາຍກວ່າປົກກະຕິ ໃນບາງຄົນອາດມີປະຈຳເດືອນມາຫຼາຍກວ່າ 1 ຄັ້ງຕໍ່ເດືອນ
  • ມີອາການປວດທ້ອງໃນຂະນະມີເພດສຳພັນຫຼັງຈາກສຸດປະຈຳເດືອນ

ຫາກທ່ານໃດມີອາການປວດປະຈຳເດືອນແບບທີ່ກ່າວມາຂ້າງເທິງນີ້ກໍບໍ່ຄວນຖືເບົາ ເພາະມີຄວາມສ່ຽງທີ່ຈະເປັນພະຍາດຊີ້ນປົ່ງປາກມົດລູກ ຊີ້ນປົ່ງຮັງໄຂ່ ປີກມົດລູກອັກເສບ ມະເຮັງລຳໄສ້ໃຫຍ່ ໄສ້ຕິ່ງອັກເສບ ໜິ້ວໃນທໍ່ນ້ຳບີ ແລະ ພະຍາດອື່ນໆທີ່ກ່ຽວກັບມົດລູກ.

ຮຽບຮຽງບົດ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: www.chularat.com

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...