ເກີດເຫດບໍ່ຄາດຝັນເມື່ອເຮືອບິນຂັບໄລ່ຂອງເຢຍລະມັນຕຳກັນກາງອາກາດ ສົ່ງຜົນໃຫ້ມີນັກບິນເສຍຊີວິດ 1 ລາຍ ສ່ວນອີກ 1 ຄົນສາມາດດີດໂຕອອກຈາກເຮືອບິນໄດ້ທັນ.
ຂະນະທີ່ໂຄສົກຂອງກອງທັບອາກາດເຢຍລະມັນໄດ້ອອກມາຖະແຫຼງວ່າ ເຮືອບິນຂັບໄລ່ ຢູໂຣໄຟເຕີ 2 ລຳປະສົບອຸບັດເຫດຕຳກັນກາງອາກາດ ພາຍຫຼັງບິນຂຶ້ນຟ້າຈາກຖານທັບອາກາດ Laage ໄດ້ປະມານ 20 ນາທີ.
ອຸບັດເຫດຄັ້ງນີ້ຖືເປັນການສູນເສຍເຮືອບິນຂັບໄລ່ 2 ລຳທຳອິດນັບແຕ່ເລີ່ມມີການຝຶກນັກບິນຂັບເຮືອບິນຢູໂຣໄຟເຕີເມື່ອປີ 2004 ຫຼ້າສຸດກໍຍັງບໍ່ມີການແຈ້ງເຖິງລາຍລະອຽດຂອງເຫດການດັ່ງກ່າວຢ່າງເປັນທາງການ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath