ໂຄງການຍົກລະດັບເສັ້ນທາງທີ່ມີຄວາມຍາວ 9,4 ກີໂລແມັດລະຫວ່າງເສັ້ນທາງຈາກຕານມີໄຊ ເມືອງໄຊທານີ ຫາບ້ານສີເກີດ ເມືອງນາຊາຍທອງ ນະຄອນຫຼວງວຽງຈັນ ເມື່ອສໍາເລັດການປັບປຸງຖະໜົນກໍຈະເປັນເງື່ອນໄຂສໍາລັບຊາວຄ້າ-ຂາຍ ແລະ ປະຊາຊົນຈຳນວນບໍ່ໜ້ອຍ ທັງນີ້ ເສັ້ນທາງດັ່ງກ່າວແມ່ນເຊື່ອມຕໍ່ຖະໜົນເລກທີ 13 ເໜືອ ຖະໜົນສາຍ 450 ແລະ ຜ່ານທາງມະຫາວິທະຍາໄລແຫ່ງຊາດ.

ທ່ານ ສົມປະສົງ ຈັນທະວົງ ຜູ້ອໍານວຍການໂຄງການປຶກສາຫາລືໄດ້ກ່າວວ່າ ປັດຈຸບັນໂຄງການດັ່ງກ່າວແມ່ນຄືບໜ້າ 62,53% ແລະ ພະນັກງານກໍາລັງເລັ່ງການກໍ່ສ້າງເພື່ອໃຫ້ເສັ້ນທາງດັ່ງກ່າວໄດ້ຮັບການປັບປຸງໃນທ້າຍປີນີ້ “ພວກເຮົາກໍາລັງສ້ອມແປງພື້ນທີ່ຖະໜົນເພື່ອເຮັດໃຫ້ການໄປມາສະດວກສະບາຍຍິ່ງຂຶ້ນ.

ການຍົກລະດັບປັບປຸງເສັ້ນທາງສາຍດັ່ງກ່າວມີມູນຄ່າ 45,1 ລ້ານໂດລາ ຫຼື ປະມານ 367 ຕື້ກີບລວມທັງດອກເບ້ຍ ຂະນະທີ່ກຸ່ມບໍລິສັດ ຕັງຈະເລີນ (Tangchaleun Group Co Ltd) ກໍໄດ້ອອກທຶນສຳລັບການກໍ່ສ້າງໃນໄລຍະທີ່ຜ່ານມາ ແລະລັດຖະບານຈະຈ່າຍຄືນໃຫ້ບໍລິສັດໃນໄລຍະ 7 ປີໃນອັດຕາດອກເບ້ຍປະກັນ 3.5% ຕໍ່ປີ ເສັ້ນທາງສາຍດັ່ງກ່າວມີຄວາມກວ້າງ 28 ແມັດ ມີທັງໝົດ 6 ເລນ.

ໂດຍ: ສະຫະລັດ ວອນທິວົງໄຊ