spot_img
Home​ຂ່າວບັນເທິງສຳເລັດການປະກວດຮ້ອງເພງໂຄງການ “ລັດຟ້າພາສ້າງຝັນ ຄັ້ງທີ 1”

ສຳເລັດການປະກວດຮ້ອງເພງໂຄງການ “ລັດຟ້າພາສ້າງຝັນ ຄັ້ງທີ 1”

Published on

ການປະກວດນັກຮ້ອງສຽງດີ ພາຍໃຕ້ໂຄງການ “ສວນອາຫານລັດຟ້າພາສ້າງຝັນ ຄັ້ງທີ 1” ໄດ້ສິ້ນສຸດລົງໃນວັນທີ 15 ມິຖຸນາ 2019 ທີ່ສວນອາຫານລັດຟ້າ ບ້ານປາກທ້າງ ເມືອງສີໂຄດຕະບອງ ນະຄອນຫຼວງວຽງຈັນ ຮອບຕັດສິນ 10 ຄົນສຸດທ້າຍຈາກການຄັດເລືອກເກືອບ 200 ຄົນ ເປັນໄລຍະເວລາ 3 ເດືອນ ໂຄງການດັ່ງກ່າວເປັນການຮ່ວມມືລະຫວ່າງ ທ່ານ ລັດໃຈດີ ເຈົ້າຂອງສວນອາຫານລັດຟ້າ ແລະ ທ່ານ ທະວີສັກ ທໍາມະວົງສາ ປະທານຄ້າຍເພງ ທີເຄ ຊາວລາວ ພ້ອມທັງ ທ່ານ ຄໍາເກັ່ງ ເພັງປະເສີດ ຜູ້ຈັດການໂຄງການປະກວດ ແລະ ທ່ານ ວັນຄໍາ ສິດທິວັນ ຜູ້ຊ່ວຍຜູ້ຈັດການໂຄງການ.

ຈຸດປະສົງຂອງການຈັດການປະກວດແມ່ນເພື່ອຢາກສົ່ງເສີມໄວໜຸ່ມລາວໃຫ້ມີເວທີໃນການສະແດງຄວາມສາມາດດ້ານການສະແດງຜ່ານການຮ້ອງເພງ ເພື່ອຄັດເລືອກຜູ້ທີ່ມີຄວາມສາມາດຈະເປັນດາວປະດັບໃນວົງການບັນເທີງກໍຄືເປັນສິລະປິນສັງກັດໃນຄ້າຍເພງ ທີເຄ ຊາວລາວ.

  • ລາງວັນຊະນະເລີດໄດ້ແກ່ໝາຍເລກ A08 ນາງ ຫຼ້າໄຂ່ມຸກ ແລະ ໝາຍເລກ A09 ທ້າວ ສຸກພະຈັນ ພົມໂວຫານ ໄດ້ຮັບເງິນລາງວັນ ຄົນລະ 3.000.000 ກີບ ພ້ອມດ້ວຍຂັນລາງວັນຈາກປະທານຄ້າຍເພງ ທີເຄ ຊາວລາວ ແລະ ໄດ້ເປັນນັກຮ້ອງສັງກັດໃນຄ້າຍເພງ ທີເຄ ຊາວລາວ.
  • ລາງວັນຮອງຊະນະເລີດອັນດັບ 2 ໄດ້ແກ່ໝາຍເລກ A10 ທ້າວ ສີຖຸນາ ລໍປາຢ່າວ ໄດ້ຮັບເງິນລາງວັນມູນຄ່າ 1.500.000 ກີບ.
  • ລາງວັນທີ 4-5 ໄດ້ແກ່ໝາຍເລກ A06 ນາງ ກອງແພງ ກິດຕິຍາສົມພອນ ແລະ ໝາຍເລກ A05 ທ້າວ ຈຸ່ນ ອໍາທິດມີໄຊ ໄດ້ຮັບເງິນລາງວັນ ຄົນລະ 500.000 ກີບ.

ພ້ອມນີ້ ຜູ້ທີ່ໄດ້ຮັບລາງວັນຊະນະເລີດ ແລະ ລາງວັນຊົມເຊີຍທີ່ຜ່ານເຂົ້າມາໃນຮອບສຸດທ້າຍແມ່ນຈະໄດ້ຮັບໃບຢັ້ງຢືນຜ່ານການປະກວດຈາກຄ້າຍເພງ ທີເຄ ຊາວລາວ.

 

 

ໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...