(ນີ້ແມ່ນພາບທີ່ຖືກສັ່ງໂຈະບໍ່ໃຫ້ຕັດເມື່ອປະມານ 1 ເດືອນກ່ອນ)
ຖືເປັນເລື່ອງທີ່ໜ້າເສົ້າ ເມື່ອຕົ້ນໂພອາຍຸກວ່າ 200 ປີທີ່ເປັນຕົ້ນໄມ້ຄູ່ບ້ານຄູ່ເມືອງ ແລະ ເປັນທີ່ເຄົາລົບນັບຖືຂອງປະຊາຊົນໃນເຂດບ້ານດັ່ງກ່າວພວມຈະຖືກຕັດຖິ້ມ!!!
ເມື່ອປະມານ 1 ເດືອນຜ່ານມາ ພວກເຮົາໄດ້ນຳສະເໜີຂ່າວກ່ຽວກັບການຍົກເລີກບໍ່ໃຫ້ຕັດຕົ້ນໂພຕົ້ນດັ່ງກ່າວ ຊຶ່ງໄດ້ເຮັດໃຫ້ປະຊາຊົນໃນເຂດບ້ານດັ່ງກ່າວກໍຄືເຂດບໍລິເວນໃກ້ຄຽງທີ່ຄວາມເຄົາລົບ ແລະ ນັບຖືຕ່າງກໍພາກັນດີອົກດີໃຈເມື່ອຕົ້ນໂພຈະບໍ່ຖືກຕັດ.
ແຕ່ມາມື້ນີ້ ກໍບໍ່ຮູ້ວ່າດ້ວຍເຫດຜົນໃດ ຕົ້ນໂພຕົ້ນໃຫຍ່ກຳລັງຖືກຕັດຖິ້ມຢ່າງໜ້າເສຍດາຍ ຢ່າງໃດກໍຕາມ ກໍຂໍສະແດງຄວາມເສຍໃຈກັບບັນດາທ່ານທີ່ໃຫ້ຄວາມເຄົາລົບ ບູຊາ ແລະ ນັບຖືຕົ້ນໂພທີ່ຢູ່ຄູ່ບ້ານຄູ່ເມືອງມາຢ່າງຍາວນານ ຊຶ່ງຕໍ່ໄປນີ້ກໍຈະບໍ່ມີຕົ້ນໄມ້ໃຫຍ່ທີ່ມີປະຫວັດ ມາຢ່າງຍາວນານອີກແລ້ວ…. ທາງທີມງານຂອງພວກເຮົາກໍຂໍສະແດງຄວາມເສຍໃຈຕໍ່ກໍລະນີດັ່ງກ່າວ.
(ນີ້ແມ່ນພາບປັດຈຸບັນທີ່ກຳລັງຈະຖືກຕັດ)
ໂດຍ: ສະຫະລັດ ວອນທິວົງໄຊ