spot_img
Homeຂ່າວຕ່າງປະເທດໄມໂຄຣຊອຟຄືນຊີບເມົ້າໃນຕຳນານອີກຄັ້ງ!

ໄມໂຄຣຊອຟຄືນຊີບເມົ້າໃນຕຳນານອີກຄັ້ງ!

Published on

ຖືເປັນເລື່ອງລາວດີໆທີ່ເຄີຍເກີດຂຶ້ນເມື່ອດົນນານມາແລ້ວ ເມື່ອໄມໂຄຣຊອຟຊຶ່ງເປັນຜູ້ຜະລິດເມົ້າອັນດັບຕົ້ນໆຂອງໂລກທີ່ໄດ້ນຳເອົາລູກກິ້ງ (wheel) ມາໃຊ້ງານ ຊຶ່ງເມົ້າ IntelliMouse ລຸ້ນທຳອິດເປີດໂຕເມື່ອປີ 1996 ຫຼື ເມື່ອປະມານ 23 ປີກ່ອນ ຈາກນັ້ນ ກໍຕາມມາດ້ວຍເຕັກໂນໂລຊີກວດຈັບດ້ວຍແສງ (optical tracking)  ເມື່ອປີ 1999.

ຂະນະທີ່ເມື່ອປີ 2017 ໄມໂຄຣຊອຟໄດ້ນຳເອົາ IntelliMouse ກັບມາຂາຍອີກຄັ້ງໃນຊື່ Classic IntelliMouse ໂດຍໄດ້ປັບປຸງເຊັນເຊີໃຫ້ມີປະສິດທິພາບໃນການໃຊ້ງານຫຼາຍຂຶ້ນກວ່າເກົ່າ ຊຶ່ງຫຼ້າສຸດໄມໂຄຣຊອຟກໍໄດ້ອັບເກຣດອຸປະກອນດັ່ງກ່າວເປັນ Pro IntelliMouse ໂດຍໄດ້ປັບປຸງການເຮັດວຽກຂອງລະບົບເຊັນເຊີ ໄລຍະ ແລະ ຄວາມໜັກຂອງປຸ່ມກົດ ພ້ອມການສຳຜັດຂອງວັດສະດຸພາຍນອກ ແລະ ປ່ຽນມາໃຊ້ສາຍເມົ້າແບບຖັກ (braided cable) ເພື່ອຄວາມທົນທານຍິ່ງຂຶ້ນ ພ້ອມນີ້ ຍັງສາມາດປັບແຕ່ງສີຂອງໄຟເມົ້າໄດ້ເອງຕາມໃຈຜູ້ໃຊ້.

ຂະນະທີ່ໄມໂຄຣຊອຟຍັງໄດ້ໃຫ້ຮູ້ອີກວ່າ Pro IntelliMouse ຍັງຄົງໄວ້ຊຶ່ງຫຼັກການອອກແບບທີ່ເນັ້ນສະລິລະສາດ (ergonomic) ທີ່ຂຶ້ນຊື່ລືນາມນັບແຕ່ຍຸກທຳອິດ ທັງຍັງໄດ້ອອກແບບເມົ້າໃຫ້ມີນ້ຳໜັກສົມດຸນ ທັງນີ້ Pro IntelliMouse ເປັນເມົ້າແບບ 5 ປຸ່ມ (ມີ 3 ປຸ່ມດ້ານເທິງ ແລະ 2 ປຸ່ມດ້ານຂ້າງ) ມີໃຫ້ເລືອກ 2 ສີຄື Dark Shadow ແລະ Light Shadow ຊຶ່ງມາໃນລາຄາ 59,99 ໂດລາ ຊຶ່ງຈະວາງຂາຍໃນໄວໆນີ້.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ:Microsoft

ບົດຄວາມຫຼ້າສຸດ

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...