ໃນຊ່ວງລະດູຝົນຊຶ່ງເປັນຊ່ວງທີ່ອາກາດມີຄວາມເຢັນ ແລະ ຄວາມຊຸ່ມຊື່ນສູງ ຊຶ່ງສະພາວະອາກາດເຊັ່ນນີ້ສົ່ງຜົນໃຫ້ເຊື້ອພະຍາດສາ ມາດຈະເລີນເຕີບໂຕໄດ້ໄວ ແລະ ແຜ່ກະຈາຍໄດ້ງ່າຍ ອັນເປັນສາເຫດເຮັດໃຫ້ເກີດພະຍາດຕິດເຊື້ອຕ່າງໆ ໂດຍສະເພາະເດັກນ້ອຍຍິ່ງຕ້ອງລະວັງເປັນພິເສດ.
ໂດຍອ້າງຂໍ້ມູນຂອງຄະນະແພດຈາກໂຮງໝໍຊື່ດັງໄດ້ເປີດເຜີຍເມື່ອທ້າຍເດືອນພຶດ ສະພາຜ່ານມາກ່ຽວກັບພະຍາດທີ່ຈະມາພ້ອມກັບລະດູຝົນຊຶ່ງຫຼັກໆກໍຄື ໄຂ້ເລືອດອອກ ພະຍາດມື-ຕີນ ແລະ ພະຍາດໄຂ້ຫວັດໃຫຍ່ເຫຼົ່ານີ້ເປັນຕົ້ນ.
ທັງນີ້ ທີມແພດຊ່ຽວຊານກໍໄດ້ໃຫ້ຄຳແນະນຳກ່ຽວກັບການດູແລສຸຂະພາບໃນຊ່ວງລະດູຝົນ ໂດຍສະເພາະກໍແມ່ນເດັກນ້ອຍທີ່ພູມຕ້ານທານຍັງຕ່ຳ ດັ່ງນັ້ນ ຈິ່ງຕ້ອງເອົາໃຈໃສ່ດູແລເຂົາເຈົ້າເປັນພິເສດດ້ວຍການໃຫ້ເດັກຮັບປະທານອາຫານທີ່ດີມີປະໂຫຍດ ແລະ ມີສານອາຫານຄົບ 5 ໝູ່ ຮັບປະທານອາຫານທີ່ປຸງແຕ່ງສຸກໃໝ່ໆ ສົດ ແລະ ສະອາດ ໝັ່ນ ລ້າງມືໃຫ້ສະອາດເລື້ອຍໆ ຫຼີກເວັ້ນການຢູ່ໃນທີ່ຊຶ່ງມີຜູ້ຄົນແອອັດ ຫາກຈຳເປັນຕ້ອງໄປໃນທີ່ຊຶ່ງມີຄົນຈຳນວນຫຼາຍຄວນສວມໃສ່ໜ້າກາກອະນາໄມເພື່ອປ້ອງກັນ ຮັກສາສະພາບແວດລ້ອມພາຍໃນ ແລະ ນອກເຮືອນໃຫ້ສະອາດ ແລະ ປອດໄພ ແລະ ຖ້າຫາກລູກມີອາການຜິດປົກກະຕິເກີດຂຶ້ນຄວນຮີບພາໄປພົບແພດໂດຍດ່ວນ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: ໄທຣັດ