ທ່ານ ໂຣເບີຣດ ເບິຣນສໄຕ ນັກຂຽນ ແລະ ນັກເຄື່ອນໄຫວຊາວອາເມຣິກາເຊື້ອສາຍຢິວ ຜູ້ຮ່ວມກໍ່ຕັ້ງອົງກອນສິດທິມະນຸດ “ຮິວແມນ ໄຣຊ ວອຕຊ” ເສຍຊີວິດຢ່າງສະຫງົບໃນນະຄອນນິວຢອກ ສະຫະລັດອາເມຣິກາ ດ້ວຍໄວ 96 ປີ.
ທ່ານ ໂຣເບີຣດ ເປັນບຸກຄົນທີ່ມີບົດບາດສຳຄັນໃນການພັດທະນາສຳນັກພິມ “ແຣນດອມ ເຮົາສ” ໜຶ່ງໃນສຳນັກພິມເກົ່າແກ່ຂອງອາເມຣິກາຊຶ່ງປັດຈຸບັນຢູ່ພາຍໃຕ້ເຄືອຂ່າຍຂອງ “ເພນກວິນ ແຣນດອມ ເຮົາສ” ທັງເປັນນັກເຄື່ອນໄຫວດ້ານສິດທິມະນຸດ ແລະ ເປັນຜູ້ຮ່ວມກໍ່ຕັ້ງອົງກອນ Human Rights Watch – HRW ຊຶ່ງທ່ານໄດ້ເສຍຊີວິດຢ່າງສະຫງົບທີ່ໂຮງໝໍແຫ່ງໜຶ່ງໃນນະຄອນນິວຢອກ.
ປັດຈຸບັນ ອົງກອນ Human Rights Watch – HRW ມີສະຖານະພາບເປັນອົງກອນອິດສະຫຼະໂດຍບໍ່ສະແຫວງຫາຜົນກຳໄລ ຫຼື NGO ມີສຳນັກງານໃຫຍ່ຢູ່ທີ່ນະຄອນນິວຢອກ ນອກຈາກການຮ່ວມກໍ່ຕັ້ງອົງກອນດັ່ງກ່າວແລ້ວ ເມື່ອຫວນກັບໄປເມື່ອປີ 2011 ໃນໄວ 88 ປີ ທ່ານ ໂຣເບີຣດ ກໍໄດ້ກໍ່ຕັ້ງອົງກອນສິດທິມະນຸດອີກແຫ່ງໜຶ່ງໃນຊື່ ແອດແວນຊິງ ຮິວແມນ ໄຣຊ (Advancing Human Rights).
ຮຽບຮຽງ: ສະຫະລັດ ວອນທິວົງໄຊ
ຮູບພາບ: Human Rights Watch ( HRW )