ທາມ ແຮດສຸມາດຕຣາເພດຜູ້ໂຕສຸດທ້າຍໃນປະເທດມາເລເຊຍລາໄດ້ໂລກໄປແລ້ວເມື່ອວັນທີ 27 ພຶດສະພາທີ່ຜ່ານມາ ດ້ວຍອາຍຸ 20 ປີ ສົ່ງຜົນໃຫ້ຂະນະນີ້ມາເລເຊຍຍັງເຫຼືອແຮດສຸມາດຕຣາເພດແມ່ໃນປະເທດພຽງໂຕດຽວເທົ່ານັ້ນ.
ສຳນັກຂ່າວຕ່າງປະເທດໄດ້ລາຍງານວ່າ ແຮດສຸມາດຕຣາ ຫຼື ກະຊູ່ ເພດຜູ້ໂຕສຸດທ້າຍໃນປະເທດມາເລເຊຍໄດ້ລາໂລກໄປແລ້ວ ສົ່ງຜົນໃຫ້ມາເລເຊຍຍັງເຫຼືອແຮດສຸມາດຕຣາໂຕແມ່ພຽງໂຕດຽວເທົ່ານັ້ນ ຊຶ່ງອາດເຮັດໃຫ້ສັດຊະນິດນີ້ຫຍັບໃກ້ເຂົ້າສູ່ພາວະສູນພັນເພີ່ມຂຶ້ນ.
ຂະນະທີ່ ທ່ານ ນາງ ຄຣິສຕິນາ ລິວ ລັດຖະມົນຕີກະຊວງສິ່ງແວດລ້ອມ ວັດທະນະທຳ ແລະ ການທ່ອງທ່ຽວຂອງລັດຊາບາ ໄດ້ກ່າວວ່າ ຫຼັງຈາກອາທິດທີ່ຜ່ານມາ ທາມ ຕ້ອງເຂົ້າຮັບການປິ່ນປົວບັນເທົາບັນຫາສຸຂະພາບຢ່າງຈິງຈັງ ຊຶ່ງການເສຍຊີວິດຂອງ ທາມ ກ່ຽວຂ້ອງກັບອາຍຸຂອງມັນ ແລະ ອະໄວຍະວະຫຼົ້ມເຫຼວ ແຕ່ສາເຫດການຕາຍທີ່ແທ້ຈິງຕ້ອງລໍຖ້າຜົນການຊັນລະສູດ.
ທັງນີ້ ທາມ ຖືກເຈົ້າໜ້າທີ່ພິທັກສັດປ່າຈັບໄດ້ເມື່ອເດືອນສິງຫາ 1998 ທີ່ສວນປາຣມແຫ່ງໜຶ່ງໃນເມືອງຕາເວົາ ໂດຍເຈົ້າໜ້າທີ່ຕ້ອງໃຊ້ເວລາເພື່ອຕີສະໜິດເພື່ອໃຫ້ມັນລຶ້ງເຄີຍຫຼາຍກວ່າ 1 ອາທິດຈິ່ງສາມາດພາມັນເຂົ້າມາໃນສູນໄດ້ ຂະນະທີ່ອົງກອງທັບສັດປ່າ (WWF) ສາຂາມາເລເຊຍລະບຸຜ່ານເຟສບຸ໊ກວ່າ “ການສູນເສຍ ທາມ ຄືກັບໂມງປຸກວ່າເຮົາໆທ່ານໆຕ້ອງຮີບເຄື່ອນໄຫວຢ່າງໃດຢ່າງໜຶ່ງ ສັດປ່າຕ້ອງການສິດຄຸ້ມຄອງ ແລະ ບໍ່ວ່າມັນຈະຍິນຍອມ ຫຼື ບໍ່ກໍຕາມ ພວກເຮົາຄືຄວາມຫວັງສຸດທ້າຍຂອງພວກມັນ”.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: ໄທຣັດ