ຖືເປັນອີກໜຶ່ງງານໃຫຍ່ທີ່ສືບຕໍ່ຈັດມາເປັນປີທີ 6 ແລ້ວ ສຳລັບງານ “Vientiane WOw fashion week 2019” ໂດຍຮ່ວມກັບກົມສົ່ງເສີມການຄ້າລະຫວ່າງປະເທດ DITP ແລະ ອົງກອນພາກເອກະຊົນ ຊຶ່ງໄດ້ຂຶ້ນເມື່ອວັນທີ 25 ພຶດສະພາຜ່ານມາທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ສຸວັດ ເທດສາລີ ປະທານກຳມະການບໍລິານວາລະສານວ້າວ (wow magazine) ມີບັນດາແຂກຖືກເຊີນຈາກພາກລັດ ແລະ ບັນດາຫົວໜ່ວຍທຸລະກິດທຸກຂະແໜງການ ພ້ອມດ້ວຍມວນຊົນເຂົ້າຮ່ວມຢ່າງຫຼວງຫຼາຍ.
ງານ Vientiane wow Fashion Week 2019 ຖືເປັນງານແຟເຊິນໂຊທີ່ຍິ່ງໃຫຍ່ທີ່ສຸດໃນ ສປປ ລາວ ແລະ ໃນປີນີ້ປະ ກອບມີ 7 ດີໄຊເນີຈາກປະເທດໄທທີ່ໄດ້ມາຮ່ວມສະແດງແຟເຊິນໂຊຮ່ວມກັບ 8 ດີໄຊເນີຊັ້ນນຳຂອງລາວ ໂອກາດດັ່ງກ່າວ ທ່ານ ສຸວັດ ໄດ້ກ່າວວ່າ ຈຸດປະສົງຂອງງານໃນປີນີ້ກໍເພື່ອເປັນການເປີດກວ້າງເວທີໃຫ້ບັນດານັກອອກແບບໄດ້ສະແດງອອກຄວາມສາມາດໃຫ້ບັນດາປະເທດໃນພາກພື້ນກໍຄືຊາວໂລກໄດ້ຮັບຮູ້ເຖິງເອກະລັກ ແລະ ຄວາມສາມາດ ພ້ອມນີ້ ກໍໄດ້ນຳສະເໜີການອອກແບບເຄື່ອງປະດັບຈາກແບຣນຊື່ດັງຂອງລາວເຊັ່ນ ຮ້ານຄຳພູວົງ ຮ້ານບຸນເຕມັມ ຈິວເວີເຣີ ແລະ ອື່ນໆ.
ສຳລັບງານໃນປີນີ້ປະກອບມີ 15 ຫ້ອງເສື້ອເຂົ້າຮ່ວມຄື Tyna Inspiration of Silk KP Design ເອກໂພໄຊ ຜ້າໄໝ Six P.M Kanapot Aunsorn Niphon Men Folder ຮ້ານຄຳພູວົງ Iconic ແພັດຕີ້ ເສີມຄວາມງາມ L and Three Design ຮ້ານບຸນເຕັມ Paul Direk Zibeth Thailand ແລະ Ditawat Moulage ພ້ອມນີ້ ກໍໄດ້ເຊີນດາລາຊື່ດັງຈາກປະເທດໄທນັ້ນກໍຄື ແພນເຄັກ ເຂັມມານິດ ຈາມິກອນ ດຣ ບຸ໋ມ ປະນັດດາ ວົງຜູ້ດີ ແກ້ມ The Star ສີລະປິນຈາກຄ້າຍ OGME Entertianement Tabitha King Thailand’s Talent 2018 ແລະ ລູກປາ The Voice ແລະ ສີລະປິນຈາກ ສ. ເກົາຫຼີ ວົງ “Blah Blah”.
ໂດຍ: ສະຫະລັດ ວອນທິວົງໄຊ