spot_img
Homeຂ່າວຕ່າງປະເທດເສິກຊີງຜູ້ນຳລັດຖະບານອັງກິດຈະເປີດສາກພາຍຫຼັງທີ່ ເມ ລາອອກ

ເສິກຊີງຜູ້ນຳລັດຖະບານອັງກິດຈະເປີດສາກພາຍຫຼັງທີ່ ເມ ລາອອກ

Published on

ບັນດາສະມາຊິກແຖວໜ້າຂອງພັກອະນຸຮັກນິຍົມເລີ່ມປະກາດສູ້ສຶກຊີງຕຳແໜ່ງຫົວໜ້າພັກລັດຖະບານສະຫະຣາຊະອານາຈັກຄົນໃໝ່ແທນທີ່ນາຍົກລັດຖະມົນຕີ ເທເຣຊາ ເມ ຊຶ່ງກຽມລາອອກຫຼັງເບັກຊິດມາຖິງທາງຕັນ ຂະນະທີ່ສຽງສ່ວນໃຫຍ່ຍົກໃຫ້ ບໍຣິສ ຈອນສັນ ເປັນ ຕົວເຕັງຕຳແໜ່ງດັ່ງກ່າວ.

ສຳນັກຂ່າວຕ່າງປະເທດລາຍງານຈາກນະຄອນຫຼວງລອນດອນເມື່ອວັນທີ 25 ພຶດສະພາຜ່ານມາວ່າ ຫຼັງຈາກທີ່ ທ່ານນາງ ເທເຣຊາ ເມ ປະກາດທັງນ້ຳຕາເມື່ອ 1 ວັນຫຼັງຈາກທີ່ສະຫະຣາຊະອານາຈັກເລືອກຕັ້ງສະມາຊິກສະພາເອີຣົບວ່າ ການລາອອກຈາກຕຳແໜ່ງຫົວໜ້າພັກອະນຸຮັກນິຍົມຂອງ ທ່ານ ນາງ ເມ ຈະມີຜົນໃນວັນທີ 7 ມິຖຸນາທີ່ຈະເຖິງນີ້ ຊຶ່ງກໍເທົ່າກັບເປັນການພົ້ນຈາກຕຳແໜ່ງຜູ້ນຳລັດຖະບານຂອງອັງກິດຢ່າງເປັນທາງການ ຫຼັງຈາກສະພາສາມັນປະຕິເສດແຜນຍຸດທະສາດເບັກຊິຕລັດຖະບານຂອງ ທ່ານ ເມ ເຖິງ 3 ຄັ້ງນັບແຕ່ຕົ້ນປີຜ່ານມາ ເຖິງແມ່ນວ່າພັກອະນຸຮັກນິຍົມຈະມີສຽງສ່ວນຫຼາຍໃນສະພາສາມັນກໍຕາມ ຊຶ່ງຂະບວນການສັນຫາຜູ້ນຳພັກອະນຸຮັກນິຍົມຄົນໃໝ່ຈະເລີ່ມຂຶ້ນພາຍໃນ 1 ອາທິດຫຼັງຈາກທີ່ ທ່ານ ນາງ ເມ ພົ້ນຈາກຕຳແໜ່ງ ແລະ ຖືເປັນນາຍົກລັດຖະມົນຕີຂອງອັງກິດທີ່ຄອງຕຳແໜ່ງໃນໄລຍະເວລາສັ້ນທີ່ສຸດ.

ຂະນະທີ່ບັນດາສະມາຊິກອັນດັບຕົ້ນໆຂອງພັກອະນຸຮັກນິຍົມຢ່າງໜ້ອຍ 4 ທ່ານ ກໍໄດ້ສະເໜີຕົວຊີງຕຳແໜ່ງຫົວໜ້າພັກ ແລະ ເຖິງແມ່ນວ່າຫຼາຍຝ່າຍຈະເຊື່ອວ່າຈະມີຜູ້ສະເໜີຕົວຫຼາຍກວ່ານີ້ ແຕ່ບັນດານັກວິເຄາະກໍມີສຽງສ່ວນໃຫຍ່ຍົກໃຫ້ ບໍຣິສ ຈອນສັນ ເປັນເຕັງໜຶ່ງ ຈອນສັນ ເປັນໜຶ່ງໃນແກນນຳຄົນສຳຄັນຂອງຝ່າຍເບັກຊິຕໃນການລົງນາມປະຊາມະຕິເມື່ອປີ 2016 ໂດຍໄດ້ກ່າວວ່າ ຫາກຕົນເອງຊະນະການຢັ່ງງສຽງພາຍໃນພັກ ແລະ ຖ້າຫາກອັງກິດຈະອອກຈາກອີຢູກໍຕາມ ການຜ່ອນຜັນຄັ້ງສຸດທ້າຍຂອງອີຢູໄດ້ຖືກກຳນົດໃຫ້ມີຂຶ້ນໃນວັນທີ 31 ຕຸລາ 2019.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ:AP,REUTERS

ບົດຄວາມຫຼ້າສຸດ

ຊີ້ແຈງຂໍ້ຂ້ອງໃຈຂອງສັງຄົມຕໍ່ການຕັດຕົ້ນໄມ້ຢູ່ຖະໜົນເສດຖາທິຣາດ

ຊີ້ແຈງແລ້ວ ຈາກກໍລະນີທີ່ເຈົ້າໜ້າທີ່ໄດ້ມີການຕັດຕົ້ນໄມ້ ຢູ່ຖະໜົນເສດຖາທິຣາດ ເນື່ອງຈາກມີການກໍ່ສ້າງ ແລະ ຂະຫຍາຍໜ້າທາງ ລວມທັງຮ່ອງລະບາຍນໍ້າຢູ່ຖະໜົນເສດຖາທິຣາດເພື່ອພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ການສັນຈອນໄປມາມີຄວາມສະດວກສະບາຍ ຕິດພັນກັບໂຄງ ການພັດທະນາດັ່ງກ່າວ, ທາງໂຄງການຈຶ່ງໄດ້ມີການສຶກສາສຳຫຼວດຕໍ່ຜົນກະທົບຂອງຕົ້ນໄມ້ທີ່ຢູ່ລຽບເສັ້ນທາງຖະໜົນເສດຖາທິຣາດໄປພ້ອມໆກັນ ຊຶ່ງລ້ວນແຕ່ເປັນຕົ້ນໄມ້ທີ່ສູງໃຫຍ່ມີອາຍຸ 100 ປີ. ດັ່ງນັ້ນ,...

2 ຝ່າຍກຽມຢຸດຍິງພ້ອມກັນ ໂດນັລ ທຣຳ ປະກາດ ເຖິງຄວາມຂັດແຍ່ງລະຫວ່າງ ອິດສະຣາແອນ ກັບ ອີຣານ

2 ຝ່າຍກຽມຢຸດຍິງພ້ອມກັນ ໂດນັລ ທຣຳ ປະກາດ ເຖິງຄວາມຂັດແຍ່ງລະຫວ່າງ ອິດສະຣາແອນ ກັບ ອີຣານ ທົ່ວໂລກຍັງຈັບຕາຄວາມຂັດແຍ່ງລະຫວ່າງ ອິດສະຣາແອນ (Israel) ກັບ ອີຣານ (Iran)...

ທ່ານ ງາມປະສົງ ເມືອງມະນີ ລັດຖະມົນຕີກະຊວງ (ຍທຂ) ຊີ້ແຈງສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນ

ສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນທີ່ຍັງບໍ່ທັນສໍາເລັດ 16 ໜ້າວຽກ ໃນວາລະການດຳເນີນກອງປະຊຸມໃນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ...

ແຕ່ງຕັ້ງ ທ່ານ ພອນວິໄລ ແກ້ວບຸນສານ ເປັນຮັກສາການຫົວໜ້າຄະນະຄຸ້ມຄອງດ່ານສາກົນແດນສະຫວັນ.

ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ ວັນທີ 10 ມີຖຸປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນນາ 2025 ຜ່ານມາ, ດ່ານສາກົນແດນສະຫວັນ ແຂວງສະຫວັນນະເຂດ ໄດ້ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ,...